वृत्तसंस्था
नवी दिल्ली : संसदेचे वरिष्ठ सभागृह म्हणजेच राज्यसभेच्या निवडणुकीसाठी काँग्रेसने महाराष्ट्र, राजस्थान आणि हरियाणा या तीन राज्यांमध्ये निरीक्षकांची नियुक्ती केली आहे. काँग्रेस अध्यक्षा सोनिया गांधी यांनी छत्तीसगडचे मुख्यमंत्री भूपेश बघेल आणि राज्यसभा खासदार राजीव शुक्ला यांची हरियाणात, छत्तीसगडचे आरोग्यमंत्री टीएस सिंगदेव, माजी केंद्रीय मंत्री पवनकुमार बन्सल यांची राजस्थान आणि ज्येष्ठ नेते मल्लिकार्जुन खर्गे यांची महाराष्ट्राचे निरीक्षक म्हणून नियुक्ती केली आहे. राज्यसभेच्या 16 जागांसाठी 10 जून रोजी मतदान होणार आहे.Rajya Sabha elections Congress appoints observers in Maharashtra, Haryana and Rajasthan, BJP and independent candidates raise concerns
हरियाणा, राजस्थान आणि महाराष्ट्रातील राज्यसभा निवडणुकीतील उमेदवारांचा विजय सुनिश्चित करण्यासाठी आणि कोणत्याही प्रकारचा फटका बसू नये यासाठी सोनिया गांधी यांनी भूपेश बघेल, राजीव शुक्ला, टीएस सिंहदेव, पवनकुमार बन्सल आणि मल्लिकार्जुन खर्गे यांची निरीक्षक म्हणून नियुक्ती केली आहे. राजस्थान, महाराष्ट्र आणि हरियाणामध्ये काँग्रेसला अडचणींचा सामना करावा लागत आहे.
राजस्थान काँग्रेस अडचणीत!
राजस्थानमध्ये भाजपने सुभाष चंद्रा यांना राज्यसभेच्या जागेसाठी आपला दुसरा उमेदवार म्हणून मान्यता दिली आहे, ज्यामुळे काँग्रेसची चिंता वाढली आहे. चंद्रा यांना पाचवे उमेदवार म्हणून उभे करण्याचा दबाव काँग्रेसला जाणवत आहे. प्रत्येकजण पक्षाशी प्रामाणिक राहावा यासाठी मुख्यमंत्री अशोक गेहलोत स्वतः या हालचालींवर लक्ष ठेवून आहेत. 200 सदस्यांच्या राजस्थान विधानसभेत भाजपचे 71 आमदार आहेत आणि दोन जागा जिंकण्यासाठी आणखी 11 मतांची गरज आहे. त्याचवेळी विधानसभेत 13 अपक्ष उमेदवार आहेत, जे काँग्रेस सरकारला पाठिंबा देत आहेत.
हरियाणात कुलदीप बिश्नोई आणि हुड्डा यांच्यातील मतभेदामुळे काँग्रेस नाराज!
हरियाणात माजी मुख्यमंत्री भूपिंदरसिंग हुड्डा आणि काँग्रेसचे नाराज आमदार कुलदीप विश्नोई यांच्यात खडाजंगी झाली असून, त्याचा फटका पक्षाला सहन करावा लागू शकतो. काँग्रेससाठी ही चिंतेची बाब आहे कारण राज्यातून राज्यसभेवर जाण्यासाठी उमेदवाराला 31 मतांची आवश्यकता असते आणि काँग्रेसकडे केवळ 31 आमदार आहेत. हरियाणातील राज्यसभेच्या एका जागेवर भाजप उमेदवाराचा विजय निश्चित आहे. दुसऱ्या जागेवर काँग्रेसचे अजय माकन हे अपक्ष कार्तिकेय शर्मा यांच्या विरोधात आहेत, ज्यांना जेजेपी आणि भाजपचा पाठिंबा आहे. विश्नोई यांनी त्यांच्या मताबाबत सस्पेन्स कायम ठेवला आहे.
महाराष्ट्राची स्थिती काय आहे?
महाराष्ट्रात भाजपने केंद्रीय मंत्री पीयुष गोयल, अनिल बोंडे आणि माजी खासदार धनंजय महाडिक यांना उमेदवारी दिली आहे, तर शिवसेनेने संजय राऊत आणि संजय पवार यांना उमेदवारी दिली आहे. राष्ट्रवादीने प्रफुल्ल पटेल यांना तिकीट दिले आहे, तर काँग्रेसने इम्रान प्रतापगढी यांना उमेदवारी दिली आहे. सहाव्या जागेसाठी भाजपचे महाडिक आणि शिवसेनेचे संजय पवार यांच्यात चुरशीची लढत आहे.
Rajya Sabha elections Congress appoints observers in Maharashtra, Haryana and Rajasthan, BJP and independent candidates raise concerns
महत्वाच्या बातम्या
- आपका मुसेवाला होगा; सलमान खानला वडिलांसह जीवे मारण्याची धमकी!!
- उद्धव ठाकरेंनी पंतप्रधान व्हावे; राष्ट्रवादीचा मुख्यमंत्री होणार म्हणणाऱ्यांना शिवसेनेचा टोला!!
- ओडिशाच्या मंत्रिमंडळात मोठ्या फेरबदलासह 21 मंत्र्यांनी घेतली शपथ, काल सर्वांनीच एकत्र दिला होता राजीनामा
- खुद्द पंकजा मुंडे यांना नसेल एवढी मराठी माध्यमांनाच त्यांच्या राजकीय भवितव्याची “काळजी”!!