वृत्तसंस्था
नवी दिल्ली : संरक्षण मंत्री राजनाथ सिंह आज जम्मू-काश्मीरला भेट देणार आहेत. जम्मू विद्यापीठाच्या जनरल जोरावर सिंग सभागृहात होणाऱ्या सुरक्षा परिषदेला ते उपस्थित राहणार आहेत. सकाळी 10.30 पासून हा कार्यक्रम सुरू होईल.Rajnath Singh on tour of Jammu and Kashmir today; Will address the Security Conclave
जम्मू-काश्मीर भाजपचे अध्यक्ष रविंदर रैना यांनी सांगितले की, या कॉन्क्लेव्हमध्ये 1500 विशेष लोकांना बोलावण्यात आले आहे. यामध्ये लष्करी अधिकारी, संरक्षण तज्ज्ञ, थिंक टँक आणि संरक्षण पत्रकारांचा समावेश आहे. कार्यक्रमात संरक्षण मंत्री मोदी सरकारने संरक्षण क्षेत्रात केलेल्या कामांची माहिती देतील.
संरक्षण मंत्री त्रिकुटानगर येथील भाजप मुख्यालयालाही भेट देणार आहेत. येथे ते पक्षश्रेष्ठींसोबत बैठक घेऊन राजकीय परिस्थितीवर चर्चा करणार आहेत.
संरक्षण मंत्री अमरनाथ यात्रेच्या सुरक्षा व्यवस्थेचा आढावा घेणार आहेत
राजनाथ सिंह 1 जुलैपासून सुरू होणाऱ्या अमरनाथ यात्रेच्या सुरक्षा व्यवस्थेचाही आढावा घेणार आहेत. ही यात्रा 1 जुलैपासून सुरू होणार असून ती 31 ऑगस्टपर्यंत चालणार आहे.
3 जून रोजी पहिल्या पूजेने अमरनाथ यात्रेची औपचारिक सुरुवात
3 जून रोजी अमरनाथ गुहेत ‘प्रथम पूजे’ने वार्षिक अमरनाथ यात्रा विधी सुरू झाला. जम्मू आणि काश्मीरचे लेफ्टनंट गव्हर्नर (एलजी) मनोज सिन्हा व्हिडिओ कॉन्फरन्सिंगद्वारे पहिल्या पूजेला उपस्थित होते. 1 जुलैपासून भाविकांना बाबा अमरनाथचे दर्शन घेता येणार आहे.
अमरनाथजी श्राइन बोर्ड (SASB) जगभरातील लोकांसाठी सकाळ आणि संध्याकाळची आरती थेट प्रसारित करेल. प्रवास, हवामान आणि अनेक सेवांचा ऑनलाइन लाभ घेण्यासाठी अमरनाथ यात्रा अॅप गुगल प्ले स्टोअरवर जारी करण्यात आले आहे.
Rajnath Singh on tour of Jammu and Kashmir today; Will address the Security Conclave
महत्वाच्या बातम्या
- कोल्हापुरात परिषद : देशाच्या प्रगतीसाठी सामाजिक न्यायाद्वारे आत्मनिर्भर होण्याचा निर्धार!!
- “सहा मुस्लीम देशांवर फेकले होते बॉम्ब” म्हणत निर्मला सीतारामन यांनी बराक ओबामांवर निशाणा साधला!
- प्रकाश आंबेडकरांचे औरंगजेब कौतुक; संभाजी राजे संतप्त, दिला डॉ. बाबासाहेब आंबेडकर रायगडावर गेल्याचा हवाला!!
- पवारांनी अभिजीत पाटलांना “निवडल्यानंतर” भगीरथ भालकेंनी निवडला बीआरएसचा पर्याय; पवारांनी अँटीसिपेट केलेय नुकसान!!