वृत्तसंस्था
नवी दिल्ली : राहुल गांधी हे त्यांच्या आई सोनिया यांच्या रायबरेली मतदारसंघातून निवडणूक लढवणार आहेत. काँग्रेसने त्यांच्या नावाची घोषणा केली आहे. प्रियांका गांधी निवडणूक लढवणार नाहीत. तर अमेठीतून किशोरीलाल शर्मा यांना उमेदवारी देण्यात आली आहे. किशोरीलाल हे सोनिया गांधींचे विश्वासू मानले जातात.Rahul Gandhi to contest election from Rae Bareli; Congress nominated Kishorilal Sharma from Amethi; Priyanka will not contest elections
भाजपने योगी सरकारचे मंत्री दिनेश प्रताप सिंह यांना रायबरेलीतून तिकीट दिले आहे, तर स्मृती इराणी अमेठीतून निवडणूक लढवत आहेत.
याआधी काँग्रेस नेत्यांनी राहुल अमेठीतून आणि प्रियंका रायबरेलीमधून लढणार असल्याचं बोललं होतं. मात्र, प्रियंका निवडणूक लढवण्यास तयार नव्हत्या. रायबरेली-अमेठी मतदारसंघासाठी उमेदवारी अर्ज भरण्याची आज शेवटची तारीख आहे. उमेदवारी दाखल करण्यासाठी राहुल आज दुपारी पोहोचतील. त्याच्यासोबत प्रियांकाही उपस्थित राहणार आहे.
अमेठीत राहुल यांना येऊ शकते अडचण
भाजपने दोन महिन्यांपूर्वी स्मृती इराणी यांना अमेठीतून उमेदवारी दिली होती. स्मृती तिथे सतत प्रचार करत आहेत, तर राहुल यांनी एकदाही अमेठीला भेट दिलेली नाही. अशा स्थितीत राहुल यांना अमेठीतून जिंकणे कठीण जाईल, अशी भीतीही काँग्रेसला होती.
तर रायबरेलीचे दृश्य वेगळे आहे. 2019च्या मोदी लाटेतही सोनिया गांधी रायबरेलीतून विजयी झाल्या होत्या. रायबरेलीत 20 वेळा निवडणुका झाल्या आहेत. यामध्ये काँग्रेसने 17 वेळा विजय मिळवला आहे. राहुल यांना अमेठीपेक्षा रायबरेलीतून विजय मिळवणे सोपे असल्याचे राजकीय जाणकारांचे म्हणणे आहे. त्यामुळे काँग्रेसने त्यांना रायबरेलीतून उमेदवारी दिली आहे.
प्रियांका निवडणूक का लढणार नाहीत?
प्रियांका यांना अद्याप थेट राजकारणात येण्याची इच्छा नसल्याचे राजकीय जाणकारांचे म्हणणे आहे. त्यांना राहुल गांधींना पाठिंबा द्यायचा आहे. प्रत्येकाने निवडणूक लढवणे योग्य नाही, असेही प्रियांकाने म्हटले होते. त्याचवेळी त्यांचे पती रॉबर्ट वाड्रा यांनीही निवडणूक लढवण्याची इच्छा व्यक्त केली होती. अशा स्थितीत प्रियांका यांनी निवडणूक लढवली असती तर रॉबर्टबाबत पक्षात नैतिक दबाव निर्माण होऊ शकला असता.
प्रियांका पोटनिवडणूक लढवू शकतात
राहुल गांधी केरळमधील वायनाडमधून निवडणूक लढवत आहेत. वायनाड आणि रायबरेली या दोन्ही मतदारसंघातून त्यांनी निवडणूक जिंकली, तर त्यांना एका जागेचा राजीनामा द्यावा लागेल. राहुल वायनाड किंवा रायबरेलीची एक जागा सोडतील अशी शक्यता राजकीय जाणकारांचे मत आहे. यानंतर प्रियांका तिथून मैदानात उतरू शकतात.