विशेष प्रतिनिधि
इस्लामाबाद: पाकिस्तानात पहिल्यांदाच हिंदू समाजातील मुलगी अधिकारी झाली आहे. पाकिस्तानच्या इतिहासात हे पहिल्यांदाच घडलं आहे. पाकिस्तानात सर्वात अवघड असलेल्या अधिकाऱ्यांच्या CSS परीक्षेत सनाने बाजी मारली आहे.सना रामचंद्र गुलवानी असं या मुलीचं नाव आहे. सना ही 37 वर्षांची असून तिने पहिल्याच प्रयत्नात ही बाजी मारली आहे. PROUD NEWS : Hindu girl Sana Gulwani has passed the most difficult administrative service exam in Pakistan
कोण आहे सना गुलवानी?
सना ही शिकारापूर या पाकिस्तानाच्या सिंध प्रांतातील रहिवासी आहे. एका इंग्रजी वर्तमानपत्राने दिलेल्या माहितीनुसार, तिने सिंध प्रांतातूनच या परीक्षेसाठी अर्ज केला होता. आधीपासूनच सरकारी अधिकारी होण्याच्या इच्छेने प्रेरित असलेल्या सनाने, या परीक्षेची जोरदार तयारी केली.
विशेष म्हणजे सना ही डॉक्टर आहे. याआधी तिने बेनझिर भुत्तो वैद्यकिय विद्यापीठातून बॅचलर ऑफ मेडिसीनची पदवी घेतली आहे. त्यानंतर ती सर्जन झाली. युरॉलॉजी विषयात तिने मास्टर डिग्री मिळवली आहे.
पाकिस्तानात सर्वात कठीण परीक्षा
आपल्याकडे ज्याप्रकारे UPSC परीक्षा पास होणं अवघड आहे, त्याचप्रमाणे पाकिस्तानात सेंट्रल सुपिरिअर सर्व्हिसेस म्हणजेच CSS ही परीक्षा अवघड मानली जाते. पाकिस्तानच्या प्रशासकीय सेवेत येण्यासाठी ही परीक्षा उत्तीर्ण होण गरजेचं आहे. या परीक्षेसाठी सना गेल्या काही वर्षांपासून कठीण परिश्रम घेत होती
. सना ही शिख धर्मालाही खूप मानते, त्यामुळे परीक्षा उत्तीर्ण झाल्यानंतर तिने ‘वाहे गुरुजी दा खालसा, वाहे गुरुजी दी फतेह’ म्हटलं. पाकिस्तानातील ही परीक्षा इतकी कठीण आहे की, परीक्षेला बसणाऱ्या एकूण विद्यार्थ्यांच्या फक्त 2 टक्के विद्यार्थीच ही परीक्षा उत्तीर्ण होतात. अनेकदा परीक्षा देऊनही, अनेकांचं अधिकारी बनण्याचं स्वप्न अर्धवटच राहतं, मात्र सनाने पहिल्याच प्रयत्नात या परीक्षेत बाजी मारली आहे.
PROUD NEWS : Hindu girl Sana Gulwani has passed the most difficult administrative service exam in Pakistan
महत्त्वाच्या बातम्या
- गुजरातच्या मुंद्रा बंदरात पकडलेल्या अंमली पदार्थांचे आंध्रातील विजयवाडाशी कनेक्शन ; किंमत २० हजार ९०० कोटी रुपये
- मुख्यमंत्री उद्धव ठाकरे रविवारी दिल्ली दौऱ्यावर! शहरातील वाढत्या नक्षलवादी कारवायाबाबत केंद्रीय गृहमंत्री अमित शाह यांनी बोलावली बैठक
- केंद्रीय माध्यमिक शिक्षण मंडळाने दिले आदेश , ज्या विद्यार्थ्यांनी कोरोनामुळे आपले पालक गमावले त्यांना भरावे लागणार नाही परीक्षा शुल्क
- 25 वर्षीय मराठी अभिनेत्री ईश्वरी देशपांडे आणि तिच्या मित्राचा गोव्यातील कार अपघातात मृत्यू