Rahul Gandhi : काँग्रेस नेते राहुल गांधी यांनी उत्तर प्रदेश सरकारवर निशाणा साधत म्हटले की, पक्षाच्या सरचिटणीस प्रियांका गांधी वाड्रा, ज्यांना लखीमपूर खीरीला जात असताना अटक करण्यात आली, त्या मागे हटणार नाहीत आणि न्यायासाठी लढत राहतील. Priyanka I know you won’t back down says Rahul Gandhi on sister being taken into police custody
प्रतिनिधी
नवी दिल्ली : काँग्रेस नेते राहुल गांधी यांनी उत्तर प्रदेश सरकारवर निशाणा साधत म्हटले की, पक्षाच्या सरचिटणीस प्रियांका गांधी वाड्रा, ज्यांना लखीमपूर खीरीला जात असताना अटक करण्यात आली, त्या मागे हटणार नाहीत आणि न्यायासाठी लढत राहतील.
त्यांनी ट्विट केले, “प्रियांका, मला माहिती आहे की तू मागे हटणार नाहीस – ते तुझ्या हिमतीला घाबरतात. न्यायासाठीच्या या अहिंसक लढाईत आपण देशाच्या अन्नदात्याला विजयी करू.”
हरगाव येथे अटक
काँग्रेस सरचिटणीस प्रियंका गांधी वड्रा, छत्तीसगडचे मुख्यमंत्री भूपेश बघेल आणि समाजवादी पक्षाचे प्रमुख अखिलेश यादव यांच्यासह विविध पक्षांचे अनेक विरोधी नेते आज लखीमपूर खेरीला भेट देणार आहेत. बघेल यांनी आरोप केला की, प्रियांका गांधी वड्रा यांना हरगाव येथून अटक करण्यात आली आहे. ते म्हणाले की, अटकेच्या वेळी प्रियंका गांधी उत्तर प्रदेशातील लखीमपूर खीरी जिल्ह्यात पीडित कुटुंबीयांना भेटण्यासाठी जात होत्या.
बघेल यांनी ट्वीट केले, ‘एआयसीसीच्या सरचिटणीस प्रियंका गांधी वड्रा यांना सीतापूरमध्ये लखीमपूरला जात असताना अटक करण्यात आली आहे. दीपेंदर हुड्डाही त्यांच्यासोबत आहेत. शेतकऱ्यांच्या हत्येनंतर आता लोकांचे लोकशाही अधिकारही हिसकावले जात आहेत.”
गृह राज्यमंत्र्यांच्या मुलावर आरोप
किसान मोर्चाने असा आरोप केला की, केंद्रीय गृह राज्यमंत्री अजय मिश्रा यांचा मुलगा आशिष मिश्रा यांनी शेतकऱ्यांवर हल्ला केला, चार शेतकऱ्यांचा मृत्यू झाला आणि अनेक शेतकरी जखमी झाले. मात्र, आशिष मिश्रा यांनी एसकेएमचे आरोप फेटाळून लावले आणि म्हटले की, ज्या ठिकाणी ही घटना घडली त्या ठिकाणी ते उपस्थित नव्हते. उत्तर प्रदेश पोलिसांनी सांगितले की, रविवारी लखीमपूर खीरी घटनेत आठ जणांचा मृत्यू झाला आहे.
Priyanka I know you won’t back down says Rahul Gandhi on sister being taken into police custody
महत्त्वाच्या बातम्या
- वाचा सविस्तर… लखीमपूर हिंसाचाराचा आरोप असलेला केंद्रीय गृह राज्यमंत्र्यांचा मुलगा कोण? फॅमिली बिझनेस सांभाळतो, राजकारणात सक्रिय;
- लखीमपूर दुर्घटना : केंद्रीय मंत्र्यांचा मुलासह 14 जणांविरोधात गुन्हा दाखल, 4 शेतकऱ्यांसह 8 जणांचा झाला होता मृत्यू
- Pandora Paper Leak : जाणून घ्या पेंडोरा पेपर्स लीक म्हणजे काय, भारतातील सचिन तेंडुलकर, अनिल अंबानींसह 300 हून अधिक जणांवर करचोरीचा ठपका
- AARYAN KHAN DRUGS CASE : Cruise Party मध्ये आर्यन खानने केलं होत ड्रग्सचं सेवन NCB
- ‘शिक्षणोत्सव’ : ! आजपासून शाळांमध्ये किलबिलाट; ‘माझे विद्यार्थी-माझी जबाबदारी’ मुख्यमंत्री साधणार संवाद; वाचा शाळांसाठीची नियमावली