आधी भाजप नंतर काँग्रेस, मग जेडीयू आणि विविध राजकीय पक्षांसाठी निवडणुकीची रणनीती बनवणारे प्रशांत किशोर आता स्वत:चा पक्ष काढणार आहेत. कॉँग्रेससह सर्वच पक्षांनी नाकारल्यावर प्रशांत किशोर यांनी हा निर्णय घेतला आहे.Prashant Kishor will form his own party after being rejected by all parties
विशेष प्रतिनिधी
नवी दिल्ली : आधी भाजप नंतर काँग्रेस, मग जेडीयू आणि विविध राजकीय पक्षांसाठी निवडणुकीची रणनीती बनवणारे प्रशांत किशोर आता स्वत:चा पक्ष काढणार आहेत. कॉँग्रेससह सर्वच पक्षांनी नाकारल्यावर प्रशांत किशोर यांनी हा निर्णय घेतला आहे.
आता इतरांसाठी रणनीती बनवणार नाहीत, तर ते स्वत:च्या पक्षासाठी रणनीती बनवतील. किशोर यांनी सोमवारी ट्विट करून जनतेमध्ये जाण्याची वेळ आली असल्याचे सांगितले. त्याची सुरुवात बिहारपासून होईल, असे म्हटले आहे. नवा पक्ष केव्हा सुरू होणार, हे अद्याप स्पष्ट झालेले नाही, मात्र प्रशांत किशोर लवकरच देशभरात एकाच वेळी पक्ष सुरू करणार आहेत. विशेष म्हणजे पीके अजूनही पाटण्यातच आहे. अशा स्थितीत ते येथे स्वत:साठी नवी रणनीती तयार करत असल्याचे मानले जात आहे.
Prashant kishor : काँग्रेस रणनीतीकार प्रशांत किशोर आणि “व्हेटिंलेटल”मधला डॉक्टर बोमन इराणी…!!
प्रशांत किशोर यांनी ट्विटमध्ये म्हटले आहे की, लोकशाहीत प्रभावी योगदान देण्याची त्यांची भूक आणि लोकांप्रति कृती धोरणे तयार करण्याचा त्यांचा प्रवास खूप चढ-उताराचा राहिला आहे. आज जेव्हा ते पाने उलटतात, तेव्हा खऱ्या मालकांमध्ये जाण्याची वेळ आली आहे. म्हणजेच लोकांमध्ये जेणेकरून त्यांच्या समस्या चांगल्या प्रकारे समजून घेऊन ‘जन सुराज्य’च्या मार्गावर वाटचाल करता येईल.
काँग्रेसमधील चर्चा निष्फळ ठरल्यानंतर प्रशांत किशोर राष्ट्रीय आणि प्रादेशिक पातळीवर राजकारणात मोठा बदल घडवण्याच्या तयारीत आहेत. प्रशांत किशोर यांचा पक्ष पूर्णपणे आधुनिक, डिजिटल असेल आणि जनसंपर्क करण्याच्या नवीन प्रगत तंत्रज्ञानासह लॉन्च केला जाईल. पक्षाचे नाव काय असेल याबाबत कोणतीही अंतिम चर्चा झालेली नाही. पण प्रशांत किशोर एक-दोन वर्षांत आपला राजकीय पक्ष सुरू करणार असल्याचे सूत्रांचे म्हणणे आहे.
प्रशांत किशोर यांचा जन्म 1977 मध्ये बिहारमधील बक्सर जिल्ह्यात झाला. त्यांची आई उत्तर प्रदेशातील बलिया जिल्ह्यातील असून वडील बिहार सरकारमध्ये डॉक्टर आहेत. त्यांच्या पत्नीचे नाव जान्हवी दास आहे. त्या गुवाहाटी, आसाम येथील डॉक्टर आहेत. प्रशांत किशोर आणि जान्हवी यांना एक मुलगा आहे. ते 2014 मध्ये मोदी सरकारला सत्तेत आणल्यामुळे प्रसिद्धीच्या झोतात आले होते. एक उत्कृष्ट निवडणूक रणनीतीकार म्हणून त्यांची ओळख आहे. निवडणुकीची रणनीती राबवण्यासाठी ते नेहमीच पडद्याआड राहिले आहेत. या कारणास्तव ते सर्वात विश्वासार्ह मानले जातात.
वयाच्या 34व्या वर्षी आफ्रिकेतून युनायटेड नेशन्सची नोकरी सोडून किशोर 2011 मध्ये गुजरातचे तत्कालीन मुख्यमंत्री नरेंद्र मोदी यांच्या टीममध्ये सामील झाले. यानंतरच राजकारणात ब्रँडिंगचे युग सुरू झाले होते. निवडणुकीतील नेत्याचा असा प्रचार क्वचितच कोणत्याही काळात पाहायला मिळाला.
Prashant Kishor will form his own party after being rejected by all parties
महत्वाच्या बातम्या