वृत्तसंस्था
नवी दिल्ली : पंतप्रधान नरेंद्र मोदी यांनी एका कार्यक्रमात म्हटले की, देश निर्धाराने भरलेला असताना काही जण देशाला हीन दाखवण्याचा प्रयत्न करत आहेत. भारताचे मनोधैर्य खचल्याचीही चर्चा केली जात आहेत. कुठेही शुभकार्य असेल तेव्हा हे लोक काळे तीट लावतात, असा टोलाही पंतप्रधानांनी लगावला. आजकाल एवढे शुभ घडत आहे की काही लोकांनी काळे तीट लावण्याची जबाबदारीच उचलली आहे.PM Modi’s attack on Rahul Gandhi, said- So much auspicious things are happening that some have taken the responsibility of planting black tea, read top 5 Points
इंडिया टुडे कॉन्क्लेव्हमध्ये पंतप्रधान मोदी बोलत होते. ते म्हणाले की, आज जग स्वीकारत आहे की ही भारताची वेळ आहे. हा काळ देशासाठी महत्त्वाचा आहे. नवा इतिहास घडत आहे. आज भारत ही जगातील सर्वात वेगाने वाढणारी अर्थव्यवस्था आहे.
पंतप्रधान मोदींच्या भाषणातील 5 महत्त्वाचे मुद्दे…
1. आज भारत ज्या आव्हानांना सामोरे जात आहे ती मोठी आणि वेगळी आहेत. आज सर्वात मोठी महामारी पसरली आहे, दोन देश युद्धात आहेत. यावेळी भारताचा काळ येणे ही वेगळी बाब आहे. ग्लोबल फिनटेक अडॉप्शन रेटमध्ये भारत आघाडीवर आहे. स्टार्टअपच्या संख्येच्या बाबतीत भारताचा जगात तिसरा क्रमांक लागतो. जीएसटी कौन्सिलमुळे देशात आधुनिक करप्रणाली झाली आहे.
2. मला 2023च्या फक्त 75 दिवसांबद्दल बोलायचे आहे. या 75 दिवसांत शिवमोग्गा येथे विमानतळ बांधले गेले, सर्वात मोठी रिव्हर क्रूझ सुरू झाली, IIT धारवाडच्या कॅम्पसचे उद्घाटन झाले. भारताने ई-संजीवनी सुरू केली. देशात 100% रेल्वे विद्युतीकरण झाले. देशाला 2 ऑस्कर मिळाले. तुर्कीमध्ये ऑपरेशन दोस्त. G-20 च्या 28 बैठका झाल्या. या 75 दिवसांत जे काही घडले तोच इंडिया मोमेंट आहे.
3. गुलामगिरीमुळे देशाने गरिबीचा काळ पाहिला. देशातील गरिबांना त्यातून स्वातंत्र्य हवे होते. त्याला दोन वेळच्या भाकरीपुरते मर्यादित राहायचे नाही. आम्ही देशात 11 कोटी शौचालये बांधली. 48 कोटी लोकांना बँकिंग प्रणालीशी जोडले. 9 वर्षांत गरिबांसाठी 3 कोटींहून अधिक घरे बांधली. पीएम किसान सन्मान निधी अंतर्गत 11 कोटी शेतकऱ्यांच्या खात्यावर अडीच लाख कोटी रुपये पाठवण्यात आले आहेत.
4. पूर्वी रेल्वे अपघाताच्या बातम्या येत असत, आज नवीन ट्रेन धावण्याच्या बातम्या येतात. जगातील 30% लोकसंख्येकडे त्यांच्या मालमत्तेचे कायदेशीर दस्तऐवज नाहीत. तो जागतिक विकासात अडथळा आहे. पीएम स्वामीत्व योजनेअंतर्गत देशातील 34 हजार गावांमध्ये ड्रोन सर्वेक्षण करण्यात आले आहे. येथे प्रॉपर्टी कार्ड देण्यात आले आहेत. गावाबाहेर गेल्यास आपली मालमत्ता ताब्यात घेतली जाईल, अशी भीती गावातील लोकांमध्ये आहे.
5. आम्ही प्रशासनाला मानवी स्पर्श दिला आहे, त्याशिवाय आम्ही कोरोनाविरुद्धची एवढी मोठी लढाई जिंकली नसती. अनेक दशकांपासून सीमावर्ती गाव हे शेवटचे गाव मानले जात होते. पहिले गाव असल्याचा विश्वास आम्ही त्यांना दिला. पूर्वी ईशान्येतील लोकांना दिल ते दिल्ली हे अंतर फार अवघड वाटायचे. आता अधिकारी तेथे नियमित भेटी देतात. मीही ईशान्येला भेट देऊन अर्धशतक पूर्ण केले आहे.
इंडिया टुडे कॉन्क्लेव्ह शुक्रवार, 17 मार्च रोजी सुरू झाले. यामध्ये माजी क्रिकेटपटू सचिन तेंडुलकर, अभिनेता रामचरण, केंद्रीय मंत्री आणि इतर अनेक बड्या व्यक्तींनी वेगवेगळ्या मुद्द्यांवर भाष्य केले.
PM Modi’s attack on Rahul Gandhi, said- So much auspicious things are happening that some have taken the responsibility of planting black tea, read top 5 Points
महत्वाच्या बातम्या
- पंतप्रधान नरेंद्र मोदी आणि शेख हसीना यांनी केले भारत-बांगलादेश मैत्री पाइपलाइनचे उद्घाटन
- Balaghat Plane Crash : मध्य प्रदेशातील बालाघाटमध्ये चार्टर्ड विमान कोसळले; पायलट आणि को-पायलट ठार
- न्यायव्यवस्थेवर सरकारचा कोणताही दबाव नाही; सरन्यायाधीश धनंजय चंद्रचूड यांनी स्पष्ट शब्दांत सुनावले
- महाविकास आघाडी, शिवसेना-भाजप युतीत जागावाटपाच्या अद्याप चर्चाही नाहीत, पण माध्यमांनी ठिणग्या टाकून पेटवले वणवे!!