पंजाब विधानसभा निवडणुकीच्या पार्श्वभूमीवर पंतप्रधान नरेंद्र मोदी राज्यातील भाजप उमेदवारांच्या प्रचाराची धुरा सांभाळणार आहेत. 14 फेब्रुवारी रोजी पीएम मोदी पंजाब विधानसभा निवडणुकीसाठी पहिली सभा घेणार आहेत. पीएम मोदींच्या सुरक्षेसाठी पोलिसांनी चोख बंदोबस्त ठेवला आहे. संयुक्त किसान मोर्चाने पंतप्रधान मोदींच्या पंजाब दौऱ्याला विरोध करण्याचा दावा केला आहे. PM Modi In Punjab Strict security arrangements for PM Modi’s meeting, Samyukta Kisan Morcha announces protest
वृत्तसंस्था
चंदिगड : पंजाब विधानसभा निवडणुकीच्या पार्श्वभूमीवर पंतप्रधान नरेंद्र मोदी राज्यातील भाजप उमेदवारांच्या प्रचाराची धुरा सांभाळणार आहेत. 14 फेब्रुवारी रोजी पीएम मोदी पंजाब विधानसभा निवडणुकीसाठी पहिली सभा घेणार आहेत. पीएम मोदींच्या सुरक्षेसाठी पोलिसांनी चोख बंदोबस्त ठेवला आहे. संयुक्त किसान मोर्चाने पंतप्रधान मोदींच्या पंजाब दौऱ्याला विरोध करण्याचा दावा केला आहे.
जालंधरमध्ये होणाऱ्या या सभेसाठी पंजाब पोलिसांनी मोठा पोलिस बंदोबस्त तैनात केला आहे. इंग्रजी वृत्तपत्र द ट्रिब्यूनच्या वृत्तानुसार, सभेमध्ये 25 हजार लोकांच्या बसण्याची व्यवस्था करण्यात आली आहे. मात्र, भाजपकडून या मेळाव्याला 40 हजार लोक पोहोचण्याची शक्यता आहे.
केंद्रीय मंत्री आणि भाजपचे पंजाब व्यवहार प्रभारी गजेंद्र सिंह शेखावत सुरक्षेच्या मुद्द्यावर पंजाब पोलिसांच्या संपर्कात आहेत. गजेंद्र शेखावत यांच्यासह पोलिसांनीही रॅली मैदानाची पाहणी केली. पीएम मोदींच्या सुरक्षेसाठी फुलप्रूफ प्लान तयार करण्यात आल्याचा दावा पोलिसांकडून केला जात आहे.
संयुक्त किसान मोर्चाचे आंदोलन
या सभेत 14 विधानसभा मतदारसंघातील कार्यकर्ते आणि नेते पोहोचणार असल्याचा दावा भाजपकडून केला जात आहे. मेळाव्यात 400 बसेस पोहोचण्याची आशा भाजपने व्यक्त केली आहे.
दुसरीकडे, संयुक्त किसान मोर्चाने पंतप्रधान मोदींच्या पंजाब दौऱ्याला शांततेने विरोध करण्याचा दावा केला आहे. एसकेएमने म्हटले आहे की, त्यांचे नेते आणि कार्यकर्ते पीएम मोदी ज्या मार्गावर जातील त्यावर काळे झेंडे दाखवतील. केंद्र सरकारने दिलेली आश्वासने पूर्ण केली नसल्याचा आरोप एसकेएम करत आहे. गेल्या महिन्यात शेतकर्‍यांच्या आंदोलनामुळे पंतप्रधान मोदींच्या सुरक्षेत कुचराई झाली होती. पीएम मोदी फिरोजपूरच्या सभेत सहभागी न होता दिल्लीला परतले होते.
PM Modi In Punjab Strict security arrangements for PM Modi’s meeting, Samyukta Kisan Morcha announces protest
महत्त्वाच्या बातम्या
- कर्नाटकात पुन्हा हिजाब वाद : सुप्रीम कोर्टाच्या मनाई आदेशानंतरही पालकांचा शाळांमध्ये हिजाबचा आग्रह!!
- रेल्वे तिकीट ऑनलाईन बूक करताना घ्या प्रवासी विमा, दुर्घटनेनंतर अनेक फायदे
- आसामच्या मुख्यमंत्र्यांचा राहूल गांधींवर पुन्हा हल्लाबोल, म्हणाले राहूल गांधी आधुनिक काळातील मोहम्मद अली जिना
- आसामच्या मुख्यमंत्र्यांना म्हणून आहे राहूल गांधींचा राग, कुत्र्याच्या प्लेटमधील बिस्किटे दिली होती खायला
- महाराष्ट्रातील वाघाची कॉँग्रेस- राष्ट्रवादीसोबत गेल्याने शेळी, भोपाळमध्ये मात्र व्हॅलेंटाईन डे विरोधात डरकाळ्या
- इम्रान खान यांचे तिसरे लग्नही संकटात, माजी पतीला बायको कंत्राटे मिळवून देत असल्याने वाद
- देशातील सर्वात मोठ्या बॅँक फसवणूक प्रकरणात एबीजी शिपयार्डच्या माजी अध्यक्षावर गुन्हा