वृत्तसंस्था
इस्लामाबाद : पाकिस्तानने मंगळवारी रात्री उशिरा प्रत्युत्तरादाखल इराणमधील बलुच लिबरेशन आर्मीच्या तळांवर हल्ला केला. मीडिया रिपोर्ट्समध्ये दावा केला जात आहे की, इराणमधील सारवाना भागात फुटीरतावादी संघटनेच्या 7 तळांवर हा हल्ला करण्यात आला आहे.Pakistan also counterattacked Iran, penetrated within 50 km and destroyed 7 bases of Baloch Liberation Army.
या स्ट्राइकची पाकिस्तानकडून अद्याप अधिकृत घोषणा करण्यात आलेली नाही. पाकिस्तानी पत्रकार सलमान मसूद यांच्या म्हणण्यानुसार, पाकिस्तानने इराणच्या सीमेमध्ये 40-50 किलोमीटर आत घुसून हल्ला केला आहे.
मंगळवारी रात्री इराणने पाकिस्तानच्या बलुचिस्तानमध्ये क्षेपणास्त्र आणि ड्रोन हल्ला केल्यानंतर दोन्ही देशांमधील संघर्ष वाढला होता. इराणचे परराष्ट्र मंत्री अमीर अब्दुल्लाहियान यांनी पाकिस्तानचे परराष्ट्र मंत्री जलील अब्बास जिलानी यांच्याशी फोनवर चर्चा केली.
हा हल्ला इराणच्या दहशतवादी संघटनेवर करण्यात आल्याचे त्यांनी सांगितले होते. यामध्ये पाकिस्तानचा एकही नागरिक जखमी झालेला नाही. त्यावर जिलानी म्हणाले होते की, कोणत्याही देशाने असा जोखमीचा मार्ग अवलंबू नये. इराणच्या हल्ल्याला प्रत्युत्तर देण्याचा पाकिस्तानला पूर्ण अधिकार आहे.
इराणच्या हल्ल्यानंतर पाकिस्तानने बुधवारी तेहरानमधून आपले राजदूत परत बोलावले आणि इराणच्या राजदूताला देश सोडण्यास सांगितले. त्याचवेळी, इराणच्या हल्ल्यानंतर बुधवारी पहाटेपासून पाकिस्तानी लष्कराच्या मुख्यालय रावळपिंडीमध्ये बैठका सुरू होत्या. लष्करप्रमुख जनरल असीम मुनीर यांनी तातडीने सर्व कमांडरना बोलावले होते.
इराणने पाकिस्तानवर केलेल्या हवाई हल्ल्यावर भारताची प्रतिक्रिया समोर आली आहे. परराष्ट्र मंत्रालयाचे प्रवक्ते रणधीर जैस्वाल म्हणाले- कोणत्याही देशाने स्वतःचे संरक्षण करण्यासाठी कारवाई केली तर भारताला त्याची परिस्थिती समजू शकते.
ते म्हणाले- हा मुद्दा पाकिस्तान आणि इराणमधील आहे. आमच्या मताचा संबंध आहे तर आम्ही अनेकदा स्पष्ट केले आहे की दहशतवादाच्या बाबतीत कोणतीही तडजोड केली जाणार नाही. त्याचबरोबर अमेरिकेने इराणचा हल्ला चुकीचा असल्याचे म्हटले आहे. परराष्ट्र विभागाचे प्रवक्ते मॅथ्यू मिलर यांनी सांगितले की, इराणने अलीकडच्या काही दिवसांत आपल्या तीन शेजारी देशांच्या सार्वभौमत्वाचे उल्लंघन केले आहे.
Pakistan also counterattacked Iran, penetrated within 50 km and destroyed 7 bases of Baloch Liberation Army.
महत्वाच्या बातम्या
- निवडणुकीपूर्वी हरियाणा काँग्रेसमध्ये पुन्हा फूट; हुड्डा आणि शैलजा यांची स्वतंत्र यात्रा
- दिल्ली मद्य धोरण प्रकरण: केजरीवाल चौथ्यांदा EDसमोर हजर होणार नाहीत!
- “पुरोगामीत्वा”च्या स्वलिखित नोंदी; रामविरोधाच्या “ऐतिहासिक चुकीची” कबुली!!
- 300 विमाने उड्डाणाच्या प्रतीक्षेत, दोन दिवसांत प्रवासी संख्या तब्बल 40 हजारांनी घटली!