विशेष प्रतिनिधी
नवी दिल्ली : भारताचे कायदामंत्री किरेन रिजिजू डान्स करत असतानाचा व्हिडिओ सध्या जोरदार व्हायरल होत आहे. या व्हिडिओला टॅग करत आमचे कायदामंत्री हे एक उत्तम डान्सर असल्याचे कौतुक पंतप्रधान नरेंद्र मोदी यांनी केले आहे. अरुणाचल प्रदेशची जिवंत आणि गौरवशाली परंपरा पाहून आनंद वाटल्याचेही त्यांनी म्हटले आहे.Our Law Minister is a great dancer, the Prime Minister praised Kiren Rijiju
अरुणाचल प्रदेशातील काजलंग गावात मिजी जमातीच्या नागरिकांनी किरेन रिजिजू यांचे जोरदार स्वागत केले. यावेळी त्यांनी पारंपरिक नृत्यही सादर केले. नृत्याने आपला पाहुणचार होत असल्याचा आनंद व्यक्त करण्यासाठी रिजिजू यांनीदेखील संगीतावर ताल धरत आपलं नृत्यकौशल्य दाखवून दिलं. या गावातील काही प्रकल्पांना भेट देत असता ग्रामस्थांनी केलेल्या आदरातिथ्यानं आपण भारावून गेल्याचं रिजिजू म्हणाले.
पांढरा शर्ट, ट्राऊझर, शूज आणि जॅकेट या पेहरावात नृत्य करणाºया कायदामंत्री रिजिजू यांच्या या व्हिडिओचं पंतप्रधान मोदींनी स्वागत केलं आहे. आपले कायदामंत्री एक उत्तम डान्सर असल्याचं त्यांनी म्हटलं आहे. रिजिजू यांनी ट्विट केलेला एक मिनिटाचा व्हिडिओ रिट्विट करत त्यांनी अरुणाचल प्रदेशच्या गौरवशाली संस्कृतीचं कौतुक केलं आहे.
किरेन रिजिजू हे अरुणाचल पश्चिम लोकसभा मतदारसंघातून निवडून आलेले खासदार असून फिटनेस आयकॉन म्हणूनही ओळखले जातात. हेल्थ आणि फिटनेससंदभार्तील वेगवेगळे व्हिडिओज ते शेअर करत असतात. ते एक उत्तम गायकदेखील आहेत. अनेकदा आपल्या गाण्याचे व्हिडिओजही ते शेअर करतात.
Our Law Minister is a great dancer, the Prime Minister praised Kiren Rijiju
महत्त्वाच्या बातम्या
- महापौर किशोरी पेडणेकर : दोन डोस घेऊनही केईएम रुग्णालयात २२ विद्यार्थ्यांना कोरोनाची लागण
- पुण्यात कोरोनाविरोधी लस आहे; पण, सिरींज नाहीत १७ हजार डोस उपलब्ध असताना द्यायचे ते कसे ?; महापालिका प्रशासनापुढे मोठा पेच
- गोव्यात काँग्रेस परिवार एकत्र, पण मतांची मात्र विभागणी!!; मग पराभव कुणाचा?
- राज्यातील शेतकऱ्यांना आर्थिक मदत त्वरित द्या नवनीत राणांनी यांचा केंद्रीय कृषी मंत्र्यांकडे आग्रह