देशाची राजधानी दिल्लीत झालेल्या सामूहिक बलात्काराच्या घटनेत पोलिसांनी नऊ जणांना अटक केली आहे. दिल्ली पोलिसांनी सांगितले की, आतापर्यंत 9 महिलांसह एकूण 11 जणांना अटक करण्यात आली आहे. एफआयआरमध्ये नाव असलेल्या 11 पैकी नऊ आरोपींना अटक करण्यात आली आहे. उर्वरित आरोपींना लवकरच अटक करण्यात येईल, असे दिल्ली पोलिसांनी सांगितले.Nine people arrested so far in Delhi gang-rape case, 11 accused including 9 women, Delhi Police information
वृत्तसंस्था
नवी दिल्ली : देशाची राजधानी दिल्लीत झालेल्या सामूहिक बलात्काराच्या घटनेत पोलिसांनी नऊ जणांना अटक केली आहे. दिल्ली पोलिसांनी सांगितले की, आतापर्यंत 9 महिलांसह एकूण 11 जणांना अटक करण्यात आली आहे. एफआयआरमध्ये नाव असलेल्या 11 पैकी नऊ आरोपींना अटक करण्यात आली आहे. उर्वरित आरोपींना लवकरच अटक करण्यात येईल, असे दिल्ली पोलिसांनी सांगितले.
दिल्ली पोलिसांनी सांगितले की – ‘शाहदरा जिल्ह्यात वैयक्तिक वैमनस्यातून एका महिलेवर सामूहिक बलात्कार झाला. या प्रकरणाचा तपास सुरू असून पीडितेला सर्वतोपरी मदत केली जात आहे. पोलिसांनी दिलेल्या माहितीनुसार, आरोपी आणि पीडिता दोघेही पूर्वी शेजारी होते. आरोपींपैकी एका महिलेचा दावा आहे की, गेल्या वर्षी नोव्हेंबरमध्ये तिच्या मुलाने पीडितेमुळे आत्महत्या केली होती.
मिळालेल्या माहितीनुसार, केंद्रशासित प्रदेशातील कस्तुरबा नगरमध्ये 20 वर्षीय तरुणीचे अपहरण करून तिच्यावर सामूहिक बलात्कार करण्यात आला आणि त्यानंतर परिसरात धिंड काढण्यात आली. लोकांनी मुलीच्या तोंडाला काळे फासले आणि नंतर तिला चपलांचा हार घालून परिसरात फिरायला लावले.
तत्पूर्वी, दिल्ली महिला आयोगाच्या प्रमुख स्वाती मालीवाल यांनी गुरुवारी दिल्ली पोलिसांना नोटीस बजावून महिलेच्या अपहरण, सामूहिक बलात्कार आणि गैरवर्तनात सामील असलेल्या सर्वांना त्वरित अटक करण्याची मागणी केली.
पीडितेला भेटल्यानंतर मालीवाल यांनी सांगितले की, पीडितेचे तिच्या घरातून अपहरण केल्यानंतर अवैध दारू व्यवसायात आणि अंमली पदार्थांची तस्करी करणाऱ्या तिघांनी तिच्यावर सामूहिक बलात्कार केला. पीडितेने सांगितले की, जेव्हा ते तिच्यावर सामूहिक बलात्कार करत होते, तेव्हा तिथे आणखी काही महिला उपस्थित होत्या.
या घटनेवर स्वाती मालीवाल यांनी ट्विटही केले आहे. व्हिडिओसोबतच्या ट्विटमध्ये त्या म्हणाल्या की, ‘कस्तुरबा नगरमध्ये एका 20 वर्षीय मुलीवर अवैध दारू विक्रेत्यांनी सामूहिक बलात्कार केला, तिचे टक्कल केले, चप्पलचा हार घातला आणि संपूर्ण परिसरात तिचा चेहरा काळा करून धिंड काढली. मी दिल्ली पोलिसांना नोटीस बजावत आहे. सर्व गुन्हेगार स्त्री-पुरुषांना अटक करून मुलगी व तिच्या कुटुंबीयांना सुरक्षा देण्यात यावी.
त्याचवेळी दिल्लीचे मुख्यमंत्री अरविंद केजरीवाल यांनी केंद्र आणि नायब राज्यपालांना कठोर कारवाई करण्याचे आवाहन केले. महिलेवरील हल्ल्याचा निषेध करत केजरीवाल यांनी हे लज्जास्पद असल्याचे म्हटले आहे. ते म्हणाले- ‘हे खूप लज्जास्पद आहे. गुन्हेगारांची इतकी हिंमत कशी काय आली? मी केंद्रीय गृहमंत्री आणि नायब राज्यपाल यांना विनंती करतो की त्यांनी पोलिसांना कडक कारवाई करण्याच्या सूचना द्याव्यात, कायदा आणि सुव्यवस्थेकडे लक्ष द्यावे. असे गुन्हे आणि गुन्हेगारांना दिल्लीवासीय कदापि खपवून घेणार नाहीत.
Nine people arrested so far in Delhi gang-rape case, 11 accused including 9 women, Delhi Police information
महत्त्वाच्या बातम्या
- भय्यू महाराज आत्महत्या प्रकरणाचा निकाल : शिष्या पलक, मुख्य सेवक विनायक आणि शरद दोषी, सर्वांना सहा वर्षांची शिक्षा
- कर्नाटकचे माजी मुख्यमंत्री येडियुरप्पा यांची नात सौंदर्याची आत्महत्या, बंगळुरूमधील एका अपार्टमेंटमध्ये आढळला मृतदेह
- TET Exam Scam : महाराष्ट्र शिक्षक पात्रता परीक्षेत मोठा घोटाळा, 7 हजार 800 नापास विद्यार्थी पैसे देऊन झाले उत्तीर्ण
- म्हाडा परीक्षेची तारीख पुन्हा बदलली ;७ फेब्रुवारीपासून सुरू होणारी परीक्षा आता ३१ जानेवारीपासूनच ऑनलाईन, असे करा प्रवेशपत्र डाऊनलोड