कोरोना संकट असूनही केंद्र सरकारच्या कर संकलनात या वर्षी मोठी वाढ झाली आहे. या आर्थिक वर्षात 1 एप्रिल ते 22 सप्टेंबरदरम्यान निव्वळ प्रत्यक्ष कर संकलन 74.4 टक्क्यांनी वाढले आहे. कोरोनापूर्व काळात म्हणजेच 2019-20 मध्ये याच कालावधीत निव्वळ कर संकलनापेक्षा हे जास्त आहे. Net direct tax mop-up grows 74 PC at Rs 5 point 70 lakh crore so far this fiscal
विशेष प्रतिनिधी
नवी दिल्ली : कोरोना संकट असूनही केंद्र सरकारच्या कर संकलनात या वर्षी मोठी वाढ झाली आहे. या आर्थिक वर्षात 1 एप्रिल ते 22 सप्टेंबरदरम्यान निव्वळ प्रत्यक्ष कर संकलन 74.4 टक्क्यांनी वाढले आहे. कोरोनापूर्व काळात म्हणजेच 2019-20 मध्ये याच कालावधीत निव्वळ कर संकलनापेक्षा हे जास्त आहे.
अर्थ मंत्रालयाने शुक्रवारी सांगितले की, 1 एप्रिल ते 22 सप्टेंबर या आर्थिक वर्ष 2021-22 दरम्यान सरकारचे निव्वळ कर संकलन 5.70 लाख कोटी रुपयांवर पोहोचले आहे. यामध्ये कॉर्पोरेट टॅक्स अर्थात कंपनी कर 3.02 लाख कोटी रुपये आणि वैयक्तिक प्राप्तिकर 2.67 लाख कोटी रुपये समाविष्ट आहे.
1 एप्रिल ते 22 सप्टेंबर या आर्थिक वर्ष 2021-22 दरम्यान सकल कर संकलन 47 टक्क्यांनी वाढून 6.45 लाख कोटी रुपयांहून अधिक झाले. सरकारने जाहीर केलेल्या आकडेवारीनुसार, कर परताव्याचे समायोजन केल्यानंतर निव्वळ कर संकलन अर्थात निव्वळ प्रत्यक्ष कर संकलन 5,70,568 कोटी रुपये होते. गेल्या आर्थिक वर्ष 2020-21 (एप्रिल -22 सप्टेंबर) मध्ये याच कालावधीत निव्वळ कर संकलन 3.27 लाख कोटी रुपये होते.
कोरोनापूर्व काळापेक्षाही जास्त
विशेष बाब म्हणजे, हा संग्रह कोरोनापूर्व काळात म्हणजेच 2019-20 मध्ये याच कालावधीतील निव्वळ कर संकलनाच्या 4.48 लाख कोटींपेक्षा 27 टक्के अधिक आहे. कर संकलनात झालेली वाढ ही सरकारसाठी मोठी दिलासा देणारी बाब आहे, कारण कोरोना संकटाचा सामना करणाऱ्या आपल्या देशात कल्याणकारी योजना आणि लसीकरणासाठी सातत्याने खर्च करण्याची गरज आहे.
उद्दिष्टाच्या 58% पर्यंत कर्ज
यादरम्यान, सरकारने चांगले कर्जही घेतले आहे. वृत्तसंस्था पीटीआयनुसार, सरकारने आतापर्यंत अर्थसंकल्पित रकमेच्या 58 टक्क्यांपर्यंत कर्ज घेतले आहे, म्हणजे सहा महिन्यांत सरकारने बाजारात 7.02 लाख कोटी रुपयांची कर्ज सुरक्षा जारी करून पैसे उभे केले आहेत. या संपूर्ण आर्थिक वर्षात सुमारे 12.05 लाख कोटी रुपये कर्ज घेण्याचे लक्ष्य आहे.
Net direct tax mop-up grows 74 PC at Rs 5 point 70 lakh crore so far this fiscal
महत्त्वाच्या बातम्या
- मोदींच्या कार्यक्रमादरम्यान निषेध नोंदवण्याचे टिकैत यांचे अमेरिकेतील भारतीयांना आवाहन
- दहशतवादाचा बळी ठरल्याचा पाकिस्तानचा दावा, पण प्रत्यक्षात तोच आगलाव्या देश; संयुक्त राष्ट्रसंघात भारताने ठणकावले
- महंत नरेंद्रगिरी यांच्या संशयास्पद मृत्युप्रकरणाचा तपास अखेर सीबीआयकडे
- ब्रिटनच्या संसदेत काश्मीारबाबतच्या ठरावावरील चर्चेला भारताचा तीव्र आक्षेप
- हात कलम करण्यापासून फासावर लटकवण्याची शिक्षा, तालिबानी राजवटीचे नवे फर्मान