वृत्तसंस्था
चंदिगड : कुरुक्षेत्रातील भाजप खासदार नायब सिंह सैनी यांनी हरियाणाचे 11 वे मुख्यमंत्री म्हणून शपथ घेतली आहे. शपथ घेण्यापूर्वी त्यांनी मंचावर माजी मुख्यमंत्री मनोहर लाल खट्टर यांच्या पायाला स्पर्श केला. कंवर पाल, मूलचंद शर्मा, रणजित सिंह चौटाला, जयप्रकाश दलाल आणि डॉ. बनवारी लाल यांनी कॅबिनेट मंत्री म्हणून शपथ घेतली आहे. हे पाचजण खट्टर मंत्रिमंडळातही होते.Naib Saini becomes Haryana’s 11th Chief Minister; 5 Ministers in Cabinet Repeat
मुख्यमंत्री मनोहर लाल खट्टर यांनी मंगळवारी राजीनामा दिल्यानंतर विधीमंडळ पक्षाच्या बैठकीत सैनी यांची नेतेपदी निवड करण्यात आली. यानंतर 54 वर्षीय नायब सिंह सैनी यांनी राजभवन गाठून सरकार स्थापनेचा दावा केला. सैनी यांनी विधीमंडळ पक्षाच्या नेतेपदी निवड झाल्यानंतर पंतप्रधान मोदी, गृहमंत्री अमित शहा आणि भाजप अध्यक्ष जेपी नड्डा यांचे आभार मानले.
सैनी हे मनोहर लाल यांच्या जवळचे आहेत. 27 ऑक्टोबर 2023 रोजी त्यांना हरियाणा भाजपचे अध्यक्ष बनवण्यात आले.
तत्पूर्वी, भाजप आणि जननायक जनता पक्षाची (जेजेपी) युती तुटल्यानंतर मनोहर लाल यांनी मंगळवारी सकाळी 11.50 वाजता राज्यपालांकडे राजीनामा सुपूर्द केला होता. त्यानंतर विधीमंडळ पक्षाची बैठक बोलावण्यात आली होती.
जेजेपीने दिल्लीत आपल्या आमदारांची बैठकही बोलावली आहे. ज्यामध्ये पक्षाचे 10 पैकी 5 आमदार या बैठकीला उपस्थित राहिले नाहीत. हे सर्वजण भाजपच्या संपर्कात असल्याचे सांगण्यात येत आहे. उद्या हिसारमध्ये सभा घेऊन JJP आपली पुढील रणनीती जाहीर करणार आहे.
लोकसभा निवडणुकीत जेजेपी हरियाणामध्ये 1 ते 2 जागांची मागणी करत होती, तर भाजपचे केंद्रीय नेतृत्व आणि राज्य संघटना सर्व 10 जागा स्वत: लढवण्याच्या बाजूने आहेत. हेच युती तुटण्याचे कारण ठरले.
जेजेपीचे राष्ट्रीय सरचिटणीस आणि हरियाणाचे उपमुख्यमंत्री दुष्यंत चौटाला यांनी सोमवारी दिल्लीत भाजपचे राष्ट्रीय अध्यक्ष जेपी नड्डा यांची भेट घेतली परंतु जागावाटपावर कोणतीही चर्चा झाली नाही.
Naib Saini becomes Haryana’s 11th Chief Minister; 5 Ministers in Cabinet Repeat
महत्वाच्या बातम्या
- मोदी सरकारने JKNFवर पाच वर्षांसाठी बंदी घातली; जम्मू-काश्मीर भारतापासून वेगळे करण्याचा होता कट
- रेल्वेच्या एकता मॉल प्रकल्पाच्या माध्यमातून स्थानिक उत्पादनांना प्रोत्साहन -मुख्यमंत्री एकनाथ शिंदे
- हवाई दलाचे लढाऊ विमान तेजस जैसलमेरमध्ये कोसळले
- काँग्रेसने मध्यप्रदेश-राजस्थानसह सहा राज्यांतील ४३ उमेदवारांची यादी केली जाहीर