Tahawwur Rana : मुंबई हल्ल्यातील आरोपी तहव्वुर राणा भारतात येणार

अमेरिकन सर्वोच्च न्यायालयाने अपील फेटाळले

---

विशेष प्रतिनिधी

मुंबई : Tahawwur Rana २६/११ च्या मुंबई हल्ल्यातील गुन्हेगार तहव्वुर राणाबाबत मोठी बातमी समोर आली आहे. प्रत्यक्षात तहव्वुर राणा याने अमेरिकेच्या सर्वोच्च न्यायालयात भारताकडे प्रत्यार्पण थांबवण्यासाठी याचिका दाखल केली होती. राणाची ही याचिका अमेरिकन न्यायालयाने फेटाळून लावली आहे. त्यामुळे आता तहव्वूरला भारतात आणण्याचा मार्ग पूर्णपणे मोकळा झाला आहे.Tahawwur Rana

तहव्वुर राणाने अमेरिकेच्या सर्वोच्च न्यायालयात याचिका दाखल केली होती. या याचिकेद्वारे राणाने आपले भारतात प्रत्यार्पण थांबवण्याची मागणी केली होती. त्याने यामागे दिलेल्या कारणानुसार, भारतात त्याच्या जगण्याची शक्यता खूपच कमी असल्याचे म्हटले गेले होते. जर त्याचे भारतात प्रत्यार्पण केले गेले तर तो तिथे टिकू शकणार नाही, असे राणाने म्हटले होते.

---

• Chief Minister Fadnavis : तीन महिन्यात तयार होणार महाराष्ट्रची ‘स्पेस पॉलिसी’ – मुख्यमंत्री फडणवीस

---

यासोबतच त्याने म्हटले होते की त्याच्या प्रत्यार्पणावर आपत्कालीन स्थगिती आणली पाहिजे. तथापि, राणाची याचिका अमेरिकन न्यायालयाने पूर्णपणे फेटाळून लावली आहे. अशा परिस्थितीत राणा भारतात न येण्याची कोणतीही युक्ती यशस्वी होणार नाही.

न्यायालयात याचिका दाखल करताना तहव्वूर राणा याने असेही म्हटले होते की त्याच्या जीवाला धोका आहे. त्याने विनंती केली की जर त्याला भारतात पाठवले तर त्याला आपला जीव गमवावा लागू शकतो. एवढेच नाही तर त्याचा छळ देखील केला जाऊ शकतो आणि तो अनेक आजारांनी ग्रस्त आहे. असंही त्याने सांगितले होते.

२६ नोव्हेंबर २००८ रोजी मुंबईवर झालेल्या हल्ल्यात १७५ जणांना आपला जीव गमवावा लागला. त्यावेळी पाकिस्तानातून समुद्रमार्गे आलेल्या दहशतवाद्यांनी हॉटेल ताजसह ६ ठिकाणी हल्ला केला होता. या हल्ल्यांमध्ये परदेशी नागरिकांसह अनेक भारतीय नागरिकांचाही मृत्यू झाला. तर मोठ्या संख्येने लोक जखमी झाले. या हल्ल्यात तहव्वूर राणा याच्यावरही अनेक आरोप लावण्यात आले. जसे की पाकिस्तानी दहशतवाद्यांना भारतात आश्रय देणे आणि त्यांना रेकीमध्ये मदत करणे.

पोलिसांच्या आरोपपत्रात राणाविरुद्ध लावण्यात आलेल्या आरोपांनुसार, मुंबई हल्ल्याचा सूत्रधार हेविड कोलमन हेडलीला मदत करण्यासोबतच, त्याने हल्ले ज्या ठिकाणी करायचे होते त्या ठिकाणांची रेकी करण्यातही मदत केली. ही दोन्ही कामे पार पाडल्यानंतर राणाने सर्व माहिती आणि योजना पाकिस्तानी दहशतवाद्यांना सोपवली.

Mumbai attack accused Tahawwur Rana to come to India

महत्वाच्या बातम्या

• Suresh Dhas मारहाण करणाऱ्या सतीश भोसलेला आमदार सुरेश धस यांचा आशीर्वाद!
• S Jaishankar : एस. जयशंकर यांनी काश्मीरबद्दल लंडनमध्ये असे काही म्हटले की, पाकिस्तान चवताळला!
• Babur Khalsa : ‘बाबर खालसाचा दहशतवादी महाकुंभात दहशतवादी हल्ला घडवण्याच्या तयारीत होता’
• Tahawwur Hussain Rana : मुंबई हल्ल्याचा सूत्रधार तहव्वुर हुसेन राणा भारतात येण्यास घाबरतोय, कारण…