वृत्तसंस्था
नवी दिल्ली : तृणमूल काँग्रेसचे (TMC) नेते मुकुल रॉय सोमवारी बेपत्ता झाले होते. त्यांनी मंगळवारी दिल्ली गाठून अमित शहा यांना भेटण्याची इच्छा व्यक्त केली. अमित शहा यांना का भेटायचे होते, याचे उत्तर त्यांनी दिले नाही. ते पुन्हा भाजपमध्ये प्रवेश करू शकतात, अशी शक्यता वर्तवली जात आहे.Mukul Roy will come back to BJP? Told the media in Delhi – I came to meet BJP MLA, Shah and Nadda
विमानतळावरील पत्रकारांनी त्यांना त्यांच्या दिल्ली भेटीबाबत विचारले असता त्यांनी काही कामानिमित्त येथे आल्याचे सांगितले. त्यांनी विचारले की, मी दिल्लीत का येऊ शकत नाही? मी इथला आमदार आणि खासदार आहे. मी दिल्लीत का येणार नाही? कुटुंबीयांना न सांगता घराबाहेर पडणे म्हणजे मी बेपत्ता झालो असा होत नाही.
रॉय सोमवारीच 69 वर्षांचे झाले आहेत. कृष्णनगर उत्तर विधानसभेतून ते भाजपच्या तिकिटावर विजयी झाले. आमदार झाल्यानंतर त्यांनी तृणमूल काँग्रेसमध्ये पुन्हा प्रवेश केला. त्यांना अपात्र ठरवण्यासाठी भाजपने विधानसभेत दाद मागितली होती. हे प्रकरण सध्या विधानसभा अध्यक्षांकडे प्रलंबित आहे.
सोमवारी मुलाने दाखल केली होती बेपत्ता झाल्याची तक्रार
त्यांचा मुलगा शुभ्रांशू याने बेपत्ता झाल्याबद्दल 2 एफआयआर दाखल केले होते. यातील एक कोलकाता पोलिस स्टेशनमध्ये, तर दुसरा बिजपूर पोलिस स्टेशनमध्ये दाखल करण्यात आला होता. त्यांनी असा दावा केला होता की, त्यांच्या वडिलांच्या दिल्ली दौऱ्यामध्ये एक मोठे षडयंत्र आहे, ज्याचा उद्देश केवळ बंगालच्या मुख्यमंत्री ममता बॅनर्जी यांचे पुतणे अभिषेक बॅनर्जी यांची प्रतिमा खराब करणे आहे. अभिषेक हे तृणमूल काँग्रेसचे राष्ट्रीय सरचिटणीस आहेत. मुकुल रॉय यांनीही हे पद भूषवले आहे.
शुभ्रांशू यांनी मंगळवारी सकाळी पत्रकार परिषदेत सांगितले की, त्यांच्या वडिलांना पार्किन्सन्स, स्मृतिभ्रंश आणि मधुमेह यांसारखे अनेक आजार आहेत आणि नुकतीच मणक्याची आणि मेंदूची शस्त्रक्रिया झाली आहे. ते म्हणाले की, माझ्या वडिलांची अवस्था तीन वर्षांपूर्वी होती तशी नाही. ते दिल्लीचे आमदार आणि खासदार असल्याचे सांगत आहेत. सामान्य व्यक्ती असे काही करणार नाही. माझ्या वडिलांनी भाजपमध्ये प्रवेश केला, तर ते योग्य मानसिक स्थितीत उचललेले पाऊल ठरणार नाही.
Mukul Roy will come back to BJP? Told the media in Delhi – I came to meet BJP MLA, Shah and Nadda
महत्वाच्या बातम्या
- राष्ट्रवादीतील फूट : पवारांच्या इंग्रजी आत्मचरित्राचे टायटल आहे, “ऑन माय टर्म्स”; पण मोदी – शाह कधी इतरांच्या टर्म्सवर राजकारण करतात??
- मराठी माध्यमांनी रचला महाविकास आघाडीच्या यशाचा इमला; विनोद तावडेंनी ढासळवला त्याच्या अहवालाचा पाया!!
- ‘’…तेजस्वी यादव यांनी माफियाचे फोटो त्यांच्या कार्यालयात लावावेत’’- गिरीराज सिंह भडकले!
- राष्ट्रवादीच्या इफ्तार पार्टीत अतीक अहमद हत्येवर शरद पवारांचे सूचक भाष्य; यंत्रणांनी कायदा हातात घेऊ नये!!