पावसाळी अधिवेशनात पेगासस हेरगिरीचीच चर्चा, आता शिवसेनेची जेपीसी चौकशीची मागणी

Monsoon Session : लोकसभेत पेगासस फोन हेरगिरी प्रकरणावरून सुरू असलेल्या गदारोळाच्या पार्श्वभूमीवर शिवसेनेने संयुक्त संसदीय समिती (जेपीसी) चौकशी करण्याची मागणी केली आहे. मंगळवारी शिवसेनेच्या खासदारांनी लोकसभा अध्यक्ष ओम बिर्ला यांची त्यांच्या कार्यालयात भेट घेऊन निवेदन दिले. Monsoon Session Shiv Sena MP Demands JPC investigation to Lok Sabha Speaker Om Birla

---

वृत्तसंस्था

नवी दिल्ली : लोकसभेत पेगासस फोन हेरगिरी प्रकरणावरून सुरू असलेल्या गदारोळाच्या पार्श्वभूमीवर शिवसेनेने संयुक्त संसदीय समिती (जेपीसी) चौकशी करण्याची मागणी केली आहे. मंगळवारी शिवसेनेच्या खासदारांनी लोकसभा अध्यक्ष ओम बिर्ला यांची त्यांच्या कार्यालयात भेट घेऊन निवेदन दिले.

शिवसेनेचे खासदार विनायक राऊत यांच्या नेतृत्वात पक्षाच्या गजानन कीर्तिकर, अरविंद सावंत, सदाशिव लोखंडे, कृपाल तुमाने, धैर्यशील माने आणि बाळू धानोरकर यांनी जेपीसीकडून पेगासस फोन हेरगिरी प्रकरणाची चौकशी करण्याची मागणी केली. विरोधामुळे संसदेच्या पावसाळी अधिवेशनात मोठा गदारोळ झाला असून संसदेच्या कामकाजावरही मोठा परिणाम झाला आहे.

भारतीय लोकशाहीला बदनाम करण्याची षडयंत्र

पेगासस प्रकरणावर आयटी मंत्री अश्विनी वैष्णव म्हणाले की, एका वेब पोर्टलवर खळबळजनक बातमी प्रसिद्ध झाली होती. बातम्यांमध्ये बरेच मोठे आरोप केले गेले. हा अहवाल संसदेच्या पावसाळी अधिवेशनाच्या एक दिवस आधी आला, तो योगायोग असू शकत नाही. ते म्हणाले की, भारतीय लोकशाहीला बदनाम करण्याचे हे षडयंत्र आहे. या हेरगिरी घोटाळ्याशी सरकारचा काहीही संबंध नाही, असे त्यांनी स्पष्ट केले.

काय आहे प्रकरण?

गार्डियन वृत्तपत्राने असा दावा केला आहे की, भारत सरकारने बर्‍याच पत्रकार, राजकारण्यांवर हेरगिरी केली आहे. भारतातील 40 हून अधिक पत्रकारांचे फोन हॅक झाल्याचा दावा केला जात आहे. हे दावे केले गेले आहेत असे सांगून अनेक मोबाईल फोनची फॉरेन्सिक तपासणी केली गेली. द वॉशिंग्टन पोस्ट, द गार्डियन यासह जगातील 17 वृत्तसंस्थांनी ‘द पेगासस प्रोजेक्ट’ नावाची रिपोर्ट प्रकाशित केली आहे, ज्यामध्ये केवळ भारतातच नव्हे तर जगभरातील हजारो लोकांचे फोन हॅक केल्याची घटना चव्हाट्यावर आल्या आहेत.

Monsoon Session Shiv Sena MP Demands JPC investigation in pegasus spying to Lok Sabha Speaker Om Birla

महत्त्वाच्या बातम्या

• अदानी समूहाच्या सेबीकडून चौकशीच्या चर्चांमुळे कंपन्यांचे शेअर्स कोसळले, सहापैकी चार कंपन्यांमध्ये लोअर सर्किट
• प्राप्तिकर विभागाच्या रडारवर मुख्यमंत्री ठाकरेंचे सल्लागार अजोय मेहता, फ्लॅटच्या व्यवहाराची चौकशी सुरू
• तालिबान्यांनी काबुलमध्ये राष्ट्रपती भवनाजवळ डागले रॉकेट, बकरीदच्या नमाजेवेळी झाला हल्ला
• पीएम मोदींचा काँग्रेसवर प्रहार : प्रत्येक ठिकाणी संपत चाललीये काँग्रेस, पण त्यांना स्वतपेक्षा भाजपची जास्त चिंता
• सोशल मीडियावर फेमस होण्याच्या नादात आईचा 12 वर्षांच्या मुलासोबत अश्लील डान्स, महिला आयोगाची पोलिसांना FIR दाखल करण्याची मागणी