वृत्तसंस्था
नवी दिल्ली : पाकिस्तानामधून चालवल्या जाणाऱ्या १४ मेसेंजर अ‍ॅप्सवर भारत सरकारने बंदी घातली आहे. यामध्ये Bchat चा देखील समावेश आहे. गुप्तचर विभागाने दिलेल्या माहितीच्या आधारे केंद्रीय आयटी मंत्रालयाने हा निर्णय घेतला आहे.Modi government bans 14 Pakistani messenger apps that spread terrorism
बंदी घातलेले मेसेंजर अ‍ॅप्स
बंदी घातलेल्या मेसेंजर अ‍ॅप्समध्ये Crypvisor, Enigma, SafeSwiss, Vikerme, Mediafire, Briar, Bchat, Nandbox, Conion, IMO, Elementor, Second Line, Jangi आणि Threema यांचा समावेश आहे.
सीमेपलीकडून येणारे दहशतवादी पाकिस्तानात बसलेल्या आपल्या सहकाऱ्यांसोबत बोलण्यासाठी या अ‍ॅप्सचा वापर करत होते. गुप्तचर यंत्रणांच्या माहितीनुसार, या मोबाइल अ‍ॅप्सचा सर्वाधिक वापर जम्मू-काश्मीरमध्येच झाल्याचे आढळून आले आहे. या अ‍ॅप्समुळे देशाच्या सुरक्षेला धोका असल्याच्या पार्श्वभूमीवर त्यांच्यावर बंदी घालण्यात आल्याचे भारत सरकारकडून सांगण्यात आले. याआधीही भारत सरकारने पाकिस्तानमधून चालणाऱ्या अनेक सोशल मीडिया अकाउंटवरही बंदी घातली होती.
गुप्तचर यंत्रणांच्या अहवालानुसार गेल्या काही दिवसांपासून या ॲप्लिकेशन्सचा वापर पाकिस्तानमधील दहशतवाद्यांनी जम्मू आणि काश्मीरमधील ओव्हरग्राउंड कामगार आणि इतर कार्यकर्त्यांना कोडेड संदेश पाठवण्यासाठी केला होता.
चिनी अ‍ॅप्सवरही घातली बंदी
गेल्या काही वर्षांत भारत सरकारने सार्वभौमत्व, अखंडता, संरक्षण, सुरक्षा आणि सार्वजनिक सुव्यवस्थेला धोका निर्माण करणाऱ्या सुमारे २५० चिनी अ‍ॅप्सवर बंदी घातली आहे. यामध्ये TikTok, Shareit, WeChat, Helo, Likee, UC News, Bigo Live, UC Browser, Xender, CamScanner, PUBG Mobile आणि Garena Free Fire या लोकप्रिय मोबाईल गेम्सचा समावेश आहे.
Modi government bans 14 Pakistani messenger apps that spread terrorism
महत्वाच्या बातम्या
- ” उबाठाचा प्रवास ‘ईश्वरनिष्ठांकडून कम्युनिस्टांकडे’ असल्याने भविष्यात…” आशिष शेलारांनी लगावला टोला!
- महाराष्ट्र दिनाचे औचित्य साधत 317 तालुक्यांमध्ये बाळासाहेब ठाकरे आपला दवाखाना उपक्रमाचा प्रारंभ
- LPG सिलिंडर आज 171.50 रुपयांनी झाला स्वस्त, जाणून घ्या दिल्ली ते चेन्नईचे नवे दर
- ऑनलाईन प्रेम प्रकरणाचा भयानक शेवट; ‘ISI’च्या षडयंत्रात अडकलेल्या विद्यार्थ्याला हेरगिरीच्या आरोपात जावे लागले तुरुंगात!