पश्चिम बंगालमध्ये गुंड आणि अराजकतेचे युग सुरू आहे, असंही म्हणाले आहेत.
विशेष प्रतिनिधी
सीहोर : भारतीय जनता पक्षाच्या सदस्यत्व मोहिमेच्या संदर्भात मध्य प्रदेश भाजपचे प्रदेशाध्यक्ष व्हीडी शर्मा ( V. D. Sharma ) गुरुवारी सीहोर येथे पोहोचले. येथे त्यांनी कार्यकर्त्यांच्या सभेला संबोधित केले. यादरम्यान व्हीडी शर्मा यांनी कोलकाता येथील महिला डॉक्टरवर झालेल्या बलात्कार आणि हत्येच्या घटनेबाबत ममता बॅनर्जी सरकारवर जोरदार हल्ला चढवला आहे.
व्हीडी शर्मा म्हणाले की, “पश्चिम बंगालमध्ये गुंड आणि अराजकतेचे युग सुरू आहे. टीएमसीचे गुंड आंदोलकांवर गोळीबार करतात, पश्चिम बंगालमधील घटनेने राष्ट्रपतीही दुखावले आहेत. असे असतानाही विरोधक खोटे, फसवेगिरीचे राजकारण करत आहेत पण देशातील जनतेला ते आता चांगले समजले आहे.”
भाजपच्या सदस्यत्व मोहिमेबाबत व्हीडी शर्मा म्हणाले की, राज्यात दीड कोटी सदस्य बनवण्याचे आमचे लक्ष्य आहे. संपूर्ण देशात जास्तीत जास्त सभासद घेऊन आम्ही प्रथम येण्याचा प्रयत्न करत आहोत. व्हीडी शर्मा पुढे म्हणाले की, पंतप्रधान नरेंद्र मोदी यांच्या गरीब कल्याण, विकास आणि लोककल्याणकारी धोरणांचा आज देशातील प्रत्येक सामाजिक वर्गावर परिणाम झाला आहे. पंतप्रधानांच्या धोरणांनी प्रभावित होऊन भाजपला मतदान करणाऱ्या जनतेला पक्षाचे सदस्य बनवा.
31 ऑगस्ट रोजी बूथवर आयोजित केलेल्या कार्यशाळेत भाजप कार्यकर्त्यांनी सहभागी होऊन रणनीती बनवून घरोघरी संपर्क साधून जास्तीत जास्त सदस्य बनवावेत. तसेच भाजप प्रदेशाध्यक्ष म्हणाले की, भाजपची सर्वात मोठी ताकद बूथ कार्यकर्ते आणि बूथ कमिटी आहे. देशाचे गृहमंत्री अमित शहा यापूर्वी अहमदाबादमधील एका बूथचे अध्यक्ष राहिले आहेत. आपण सर्व कार्यकर्त्यांनी आपापल्या बूथवर किमान 200 सभासद करून जिल्ह्याने साध्य केलेल्या उद्दिष्टापेक्षा अधिक सभासद करून राज्यात इतिहास घडवावा.
Madhya Pradesh BJP state president Sharma criticizes Mamata Banerjee
महत्वाच्या बातम्या
- Japan : जपानमध्ये तांदळाची तीव्र टंचाई, सुपरमार्केट्स झाली रिकामी, भूकंप-वादळाच्या भीतीने घराघरांत केला जातोय साठा
- काँग्रेसच्या सर्व्हेत राष्ट्रीय पक्षांनाच मोठ्या यशाची हमी; ठाकरे – पवारांचा नुसताच बोलबाला, प्रत्यक्षात ते 60 – 60 जागांचे धनी!!
- Shivaji Maharaj Statue : शिवरायांचा पुतळा कोसळल्या प्रकरणी गुन्हा दाखल होताच अभियंता चेतन पाटीलने झटकले हात!!
- Farhatullah Ghauri’s : पाकिस्तानी दहशतवादी फरहतुल्ला गौरीची भारतावर हल्ल्याची धमकी; स्लीपर सेलला गाड्या रुळावरून उतरवण्यास सांगितले