वृत्तसंस्था
नवी दिल्ली : कोलकाता ( Kolkata ) येथील प्रशिक्षणार्थी डॉक्टरच्या बलात्कार-हत्या प्रकरणाची सर्वोच्च न्यायालयाने रविवारी (18 ऑगस्ट) स्वतःहून दखल घेतली. सरन्यायाधीश डीवाय चंद्रचूड यांच्या खंडपीठासमोर 20 ऑगस्ट रोजी सकाळी 10.30 वाजता सुनावणी होणार आहे. या खंडपीठात सरन्यायाधीश व्यतिरिक्त न्यायमूर्ती जेबी पास्टरवाला आणि न्यायमूर्ती मनोज मिश्रा उपस्थित राहणार आहेत.
CBI टीमने आज राधा गोविंद कर मेडिकल कॉलेज आणि हॉस्पिटलच्या आपत्कालीन वॉर्डचे 3D लेझर मॅपिंग केले आहे. त्याचबरोबर कोलकाता येथील घटनेच्या विरोधात देशभरातील डॉक्टरांच्या आंदोलनाचा आज 9वा दिवस आहे. या प्रकरणाचा तपास करत असलेल्या सीबीआयने सांगितले की, आरोपी संजयची मानसिक चाचणी करण्यात आली आहे.
सेंट्रल फॉरेन्सिक सायन्स लॅबोरेटरी (CFSL) मधील मानसशास्त्रज्ञ आणि वर्तणूक विश्लेषकांची 5 सदस्यीय टीम ही चाचणी घेत आहे. यावरून या जघन्य गुन्ह्याबाबत आरोपी संजयची मानसिकता काय होती, हे कळू शकते.
कोलकाता येथील आरजी कर मेडिकल कॉलेजमध्ये 9 ऑगस्ट रोजी एका प्रशिक्षणार्थी डॉक्टरवर बलात्कार करून तिची हत्या करण्यात आली होती. याच रुग्णालयात 14 ऑगस्टच्या रात्री उशिरा हिंसाचार झाला होता, त्यानंतर डॉक्टरांनी आपला विरोध तीव्र केला होता.
रुग्णालयातील तोडफोडीवर हायकोर्टाने विचारले – पोलीस काय करत होते?
कोलकाता येथील आरजी कार हॉस्पिटलमध्ये 14 ऑगस्ट रोजी झालेल्या हिंसाचार संदर्भात शुक्रवारी कोलकाता उच्च न्यायालयात सुनावणी झाली. पोलिसांना फटकारताना सरन्यायाधीश म्हणाले- ७ हजारांचा जमाव रुग्णालयात आला होता. पोलीस काय करत होते?
यावर पश्चिम बंगाल सरकारची बाजू मांडणाऱ्या वकिलाने सांगितले की, हिंसाचारावर नियंत्रण मिळवण्यासाठी अश्रुधुराचे नळकांडे डागण्यात आले. तसेच 15 पोलीस जखमी झाले आहेत. डीसीपीही जखमी झाले आहेत. पोलिसांच्या वाहनांचीही तोडफोड करण्यात आली.
Kolkata rape-murder case Supreme Court Hearing on August 20
महत्वाच्या बातम्या
- Rakesh Pal : भारतीय तटरक्षक दलाचे महासंचालक राकेश पाल यांचे चेन्नईत निधन
- Ladki Bahin Yojna : लाडकी बहीण योजनेवरून विरोधकांची खुसपटे; पण वरचढ योजनेची तोड का न सापडे??
- Champai Soren : झारखंडच्या माजी मुख्यमंत्री चंपाई सोरेन यांचा भाजपमध्ये प्रवेश!
- Sukanta Majumdar : ममतांच्या राजीनाम्याच्या मागणीसाठी आंदोलन सुरूच राहणार ; सुकांता मजुमदार