वृत्तसंस्था
नवी दिल्ली : दिल्लीचे मुख्यमंत्री अरविंद केजरीवाल यांनी बुधवारी दिल्ली उच्च न्यायालयात दारु धोरण घोटाळ्यात सीबीआयने नोंदवलेल्या भ्रष्टाचाराच्या प्रकरणात जामिनासाठी याचिका दाखल केली आहे. त्यावर शुक्रवारी न्यायालयात सुनावणी होणार आहे. केजरीवाल यांना सीबीआयने 26 जुलै रोजी तिहार तुरुंगातून अटक केली होती. मद्य धोरणाशी संबंधित ईडीच्या मनी लाँड्रिंग प्रकरणात केजरीवाल यांच्यावर तिहारमध्ये आधीच गुन्हा दाखल करण्यात आला होता.Kejriwal in Delhi High Court for bail in corruption case; CBI made the arrest on June 26
त्याचवेळी केजरीवाल यांनी सीबीआय प्रकरणात अटक करून त्यांना 14 दिवसांची न्यायालयीन कोठडी सुनावण्याच्या निर्णयालाही उच्च न्यायालयात आव्हान दिले होते. न्यायमूर्ती नीना बन्सल यांनी मंगळवारी (2 जुलै) या प्रकरणावर सुनावणी केली आणि सीबीआयला नोटीस बजावून 7 दिवसांत उत्तर दाखल करण्यास सांगितले. या प्रकरणाची पुढील सुनावणी 17 जुलै रोजी होणार आहे.
दरम्यान, बुधवारी दिल्ली न्यायालयाने मद्य धोरण घोटाळ्याशी संबंधित ईडीच्या मनी लाँड्रिंग प्रकरणात केजरीवाल यांच्या कोठडीत 12 जुलैपर्यंत वाढ केली आहे.
केजरीवाल यांचे वकील म्हणाले- केजरीवाल यांना बेकायदेशीरपणे ताब्यात घेण्यात आले
केजरीवाल यांचे वकील रजत भारद्वाज यांनी तात्काळ सुनावणीसाठी दिल्ली उच्च न्यायालयाचे कार्यवाहक मुख्य न्यायाधीश मनमोहन आणि न्यायमूर्ती तुषार राव गेडेला यांच्यासमोर जामीन अर्ज सादर केला. रजत भारद्वाज म्हणाले की, केजरीवाल यांना योग्य न्यायिक प्रक्रिया न पाळता ताब्यात घेण्यात आले.
याप्रकरणी गुरुवारी सुनावणी घेण्याची मागणी वकिलाने केली. त्यावर न्यायमूर्ती मनमोहन म्हणाले की, संबंधित न्यायाधीशांना कागदपत्रे वाचण्यासाठी वेळ द्यावा. या प्रकरणावर एक दिवसानंतर सुनावणी होणार आहे.
Kejriwal in Delhi High Court for bail in corruption case; CBI made the arrest on June 26
महत्वाच्या बातम्या
- नेपाळमध्ये ‘प्रचंड’ सरकार पडले, मंत्र्यांनी सामूहिक राजीनामे दिले
- भाजपचे ज्येष्ठ नेते लालकृष्ण अडवाणी यांची प्रकृती खालावली, अपोलो रुग्णालयात दाखल!
- Champions Trophy: भारत विरुद्ध पाकिस्तान सामना 1 मार्चला लाहोरमध्ये खेळला जाणार?
- केंद्रीय मंत्रिमंडळ समित्यांच्या सदस्यांची नावे जाहीर, NDA मित्रपक्षांच्या मंत्र्यांनाही प्राधान्य