विशेष प्रतिनिधी
नवी दिल्ली : अनुभवी नेत्यांना बाहेरचा रस्ता दाखवायचा आणि वादग्रस्त आक्रस्ताळा नेत्यांना स्वागताच्या पायघड्या घालायच्या असे नवे धोरण काँग्रेसचे वायनाडचे खासदार राहुल गांधी यांनी अवलंबिले आहे. याचे उदाहरण पंजाब आणि गुजरातमध्ये दिसत आहे. Kanhaiya Kumar, Gujarat MLA Jignesh Mevani To Join Congress: Sources
पंजाबमध्ये कॅप्टन अमरिंदरसिंग यांच्यासारखा अनुभवी मोहऱ्याला राहुल गांधी यांनी मुख्यमंत्रीपदावरून घालविले. आता ते जवाहरलाल नेहरू विद्यापीठातील वादग्रस्त विद्यार्थी नेता कन्हैया कुमार आणि जिग्नेश मेवाणी यांच्या स्वागतासाठी सज्ज झाले आहेत. कन्हैया कुमार सध्या भारतीय कम्युनिस्ट पक्षाचे कार्ड होल्डर नेता आहे. तो आपल्या बरोबर काही तरुण कम्युनिस्ट कार्यकर्त्यांना काँग्रेसमध्ये घेऊन येणार आहे. जिग्नेश मेवाणी याला गुजरात प्रदेश काँग्रेसचा कार्याध्यक्ष करण्यात येणार आहे असे सूत्रांनी सांगितले.
गुजरात मध्ये 2022 च्या अखेरीस विधानसभा निवडणुका आहेत. त्यावेळी जिग्नेश मेवाणी काँग्रेसला मते खेचण्यासाठी उपयुक्त ठरू शकतो, असा राहुल गांधींचा होरा आहे. 2 ऑक्टोबर रोजी महात्मा गांधींच्या जयंतीदिनी कन्हैया कुमार आणि जिग्नेश मेवाणी काँग्रेसमध्ये सामील होऊ शकतात असे पक्षातील सूत्रांनी सांगितले आहे.
कन्हैया कुमार आणि जिग्नेश मेवाणी हे दोन प्रतिभावंत नेते असल्याचे राहुल गांधी यांचे मत आहे. त्यांच्या रूपाने आपण काँग्रेसला तरुण नेतृत्व बहाल करत आहोत, असा राहुल गांधी यांचा समाज आहे. प्रत्यक्षात हे दोन्ही विद्यार्थी नेते जवाहरलाल नेहरू विद्यापीठाशी संबंधित आहेत आणि भारत तेरे तुकडे होंगे हजार अशा घोषणांच्या वेळी तेथे हजर होते. त्यांच्यावर विविध न्यायालयांमध्ये देशद्रोहाचे खटले सुरू आहेत.
Kanhaiya Kumar, Gujarat MLA Jignesh Mevani To Join Congress: Sources
महत्त्वाच्या बातम्या
- Pornographic Case : पॉर्नोग्राफी केसमध्ये अभिनेत्री शिल्पा शेट्टीचा पती राज कुंद्राला जामीन, 19 जुलैपासून होता
- मीटूचा आरोप असलेले चरणजीत मुख्यमंत्रिपदासाठी लायक नाहीत, काँग्रेसने त्यांना हटवावे, राष्ट्रीय महिला आयोगाच्या अध्यक्षांची मागणी
- Corona Vaccine : गर्भवती महिला आणि नवजात बालकांवर लसीचा काय परिणाम होतो? सुप्रीम कोर्टाने केंद्राला मागितले उत्तर
- इस्लामिक स्टेटच्या अतिरेक्यांनी तालिबानवरील हल्ल्याची जबाबदारी स्वीकारली, सीरियल बॉम्बस्फोटांचा केला दावा
- रशियाच्या पर्म स्टेट युनिव्हर्सिटीत माथेफिरूचा अंदाधुंद गोळीबार, 8 विद्यार्थी ठार, अनेक जण जखमी