वृत्तसंस्था
नवी दिल्ली : अंमलबजावणी संचालनालयाने (ED) शुक्रवारी जेट एअरवेज (इंडिया) लिमिटेडचे संस्थापक नरेश गोयल यांना बँक फसवणुकीशी संबंधित मनी लॉन्ड्रिंग प्रकरणात अटक केली. त्यांच्यावर 538 कोटी रुपयांच्या घोटाळ्याचा आरोप आहे. ७४ वर्षीय गोयल यांना आज (२ सप्टेंबर) विशेष पीएमएलए न्यायालयात हजर केले जाणार आहे. ईडी त्यांच्या कोठडीची मागणी करणार आहे.Jet Airways founder Naresh Goyal arrested; ED action in Rs 538 crore bank fraud case
गोयल यांना शुक्रवारी ईडीच्या मुंबई कार्यालयात चौकशीसाठी बोलावण्यात आले होते. प्रदीर्घ चौकशीनंतर त्यांना प्रिव्हेन्शन ऑफ मनी लाँडरिंग कायद्यान्वये (पीएमएलए) अटक करण्यात आली. यापूर्वी दोनदा ईडीने बोलावल्यानंतर ते हजर झाले नव्हते.
केंद्रीय अन्वेषण विभागाने (सीबीआय) या वर्षी मे महिन्यात नोंदवलेल्या एफआयआरवर हे प्रकरण आधारित आहे. नरेश गोयल यांची पत्नी अनिता, जेट एअरवेज एअरलाइन्सचे माजी संचालक गौरांग आनंद शेट्टी आणि अन्य काही जण या प्रकरणात आरोपी आहेत.
काय आहे संपूर्ण प्रकरण
नरेश गोयल यांच्याविरोधात कॅनरा बँकेने फसवणुकीचा गुन्हा दाखल केला होता. एफआयआरमध्ये असे म्हटले आहे की त्यांनी 848.86 कोटी रुपयांची क्रेडिट मर्यादा आणि कर्ज मंजूर केले होते, त्यापैकी 538.62 कोटी रुपये थकित होते.
सीबीआयने ५ मे रोजी गोयल यांच्या मुंबईतील कार्यालयासह ७ ठिकाणी छापेमारी केली होती. या कारवाईत नरेश गोयल, अनिता गोयल आणि गौरांग आनंद शेट्टी यांच्या निवासस्थानांवर आणि कार्यालयांवर छापे टाकण्यात आले.
सीबीआयच्या एफआयआरच्या आधारे ईडीने १९ जुलै रोजी गोयल यांच्याविरुद्ध मनी लाँड्रिंगचा गुन्हा दाखल केला. त्यानंतर ईडीने गोयल आणि त्यांच्या साथीदारांच्या ठिकाणांवर छापे टाकून शोध घेतला. त्यानंतर आता कारवाई करण्यात आली आहे.
बँकेचा आरोप – पैशांचा गैरवापर
बँकेने आरोप केला की कंपनीच्या फॉरेन्सिक ऑडिटमध्ये असे दिसून आले की त्यांनी एकूण कमिशन खर्चापैकी “संबंधित कंपन्यांना” 1,410.41 कोटी रुपये दिले. अशा प्रकारे कंपनीतून हे पैसे काढण्यात आले.
त्यात म्हटले आहे की, पगार, फोन बिल आणि गोयल कुटुंबातील कर्मचार्‍यांचे वाहन खर्च यासारखे वैयक्तिक खर्च जेटच्या उपकंपनी जेट लाइट (इंडिया) किंवा JIL कडून दिले गेले. या आरोपांव्यतिरिक्त, फॉरेन्सिक ऑडिटमध्ये असे दिसून आले की JIL मार्फत आगाऊ पेमेंट आणि गुंतवणुकीद्वारे निधी पळविला गेला.
वादात अडकल्यानंतर अनेक एजन्सी जेट एअरवेजच्या कारभाराची चौकशी करत आहेत. यामध्ये ईडी, सीबीआय, आयकर आणि एसएफआयओ यांचा समावेश आहे.
Jet Airways founder Naresh Goyal arrested; ED action in Rs 538 crore bank fraud case
महत्वाच्या बातम्या
- जालन्यात मराठा आंदोलकांवर पोलिसांकडून झालेल्या लाठीमारावर अजित पवारांची प्रतिक्रिया, म्हणाले…
- इथेनॉल इफेक्ट : तेल आयातीतून 53894 कोटी रुपये वाचले; शेतकऱ्यांना 40600 कोटी रुपयांचे जादा उत्पन्न मिळाले!!
- आधी पोलिसांवर दगडफेक, 12 पोलीस जखमी, त्यानंतर जालन्यात लाठीमार; फडणवीसांचा स्पष्ट खुलासा
- Aditya-L1 : सूर्याचा अभ्यास करण्यासाठी ‘ISRO’ आज लॉन्च करणार ‘आदित्य एल 1’; जाणून घ्या वेळ