वृत्तसंस्था
नवी दिल्ली : डीपफेक रोखण्यासाठी केंद्रीय माहिती तंत्रज्ञान मंत्रालयाने नवीन नियम तयार केले आहेत. यानुसार, नवीन नियमांचे उल्लंघन करणाऱ्या कोणत्याही सोशल मीडिया प्लॅटफॉर्मचा व्यवसाय भारतात बंद केला जाईल.IT Ministry Prepares New Rules Against Deepfakes; Social media companies should stop fake content, otherwise they should be banned from the country
आयटी मंत्रालयाच्या एका अधिकाऱ्याने बुधवारी (17 जानेवारी) सांगितले की सोशल मीडिया प्लॅटफॉर्म आणि इतर भागधारकांमध्ये दोन बैठका झाल्या.
AI द्वारे डीपफेक कंटेंट फिल्टर करण्यासाठी सोशल मीडिया प्लॅटफॉर्म कार्य करतील हे निश्चित करण्यात आले. डीपफेक कंटेंट पोस्ट करणाऱ्यांवर आयपीसी आणि आयटी कायद्याच्या कलमांखाली गुन्हे दाखल केले जातील.
नवे नियम असे असतील:
डीपफेक कंटेंट आढळताच कोणीही एफआयआर दाखल करू शकतो. पीडित आणि त्याच्या वतीने नियुक्त केलेल्या व्यक्तीलाही गुन्हा दाखल करण्याचा अधिकार असेल.
सोशल मीडिया प्लॅटफॉर्म युझर्सकडून शपथ घेईल की, ते डीपफेक कंटेंट पोस्ट करणार नाहीत. प्लॅटफॉर्म त्यांच्या वापरकर्त्यांना या संदर्भात अलर्ट मेसेजेस देतील. युझरच्या संमतीनंतरच लॉगिन करण्यास सक्षम असेल.
डीपफेक कंटेंट 24 तासांच्या आत काढून टाकावा लागेल. कंटेंट अपलोड करणाऱ्या युजरचे अकाउंट बंद करावे लागेल आणि अन्य प्लॅटफॉर्मची माहिती द्यावी लागेल, जेणेकरून आरोपी तेथे अकाउंट तयार करू शकणार नाही.
पंतप्रधान नरेंद्र मोदी यांनीही डीपफेकवर चिंता व्यक्त केली आहे. त्यांचा एक डीपफेक व्हिडिओ समोर आला आहे. नुकताच माजी क्रिकेटपटू सचिन तेंडुलकरचा एक खोटा व्हिडिओ व्हायरल झाला होता. यामध्ये ते ‘स्कायवर्ड एव्हिएटर क्वेस्ट’ या गेमिंग अॅपची जाहिरात करताना दाखवण्यात आला होता. सचिन म्हणाला होता- हा व्हिडीओ खोटा असून फसवण्यासाठी बनवला आहे.
IT Ministry Prepares New Rules Against Deepfakes; Social media companies should stop fake content, otherwise they should be banned from the country
महत्वाच्या बातम्या
- निवडणुकीपूर्वी हरियाणा काँग्रेसमध्ये पुन्हा फूट; हुड्डा आणि शैलजा यांची स्वतंत्र यात्रा
- दिल्ली मद्य धोरण प्रकरण: केजरीवाल चौथ्यांदा EDसमोर हजर होणार नाहीत!
- “पुरोगामीत्वा”च्या स्वलिखित नोंदी; रामविरोधाच्या “ऐतिहासिक चुकीची” कबुली!!
- 300 विमाने उड्डाणाच्या प्रतीक्षेत, दोन दिवसांत प्रवासी संख्या तब्बल 40 हजारांनी घटली!