स्पेनमध्ये होणार चाचणी, भारतीय नौदलाला जागतिक दर्जाचे एआयपी तंत्रज्ञान दिले जाणार
विशेष प्रतिनिधी
नवी दिल्ली : भारतीय नौदल ‘प्रोजेक्ट 75 इंडिया (P75I) अंतर्गत स्पेनमध्ये अत्याधुनिक उपकरणांची चाचणी घेणार आहे. या चाचणीनंतर भारतीय नौदल आपल्या ताफ्यात सहा आधुनिक पाणबुड्यांचा समावेश करणार असल्याचे स्पॅनिश जहाजबांधणी कंपनी ‘नवांतिया’ने म्हटले आहे.Indian Navy has six modern technology submarines in its fleet
नवांतियाचे अध्यक्ष रिकार्डो डोमिंग्वेझ गार्सिया बाकेरो म्हणतात की, स्पॅनिश सरकार आणि नौदल P75I बद्दल खूप उत्साहित आहेत आणि या प्रकल्पात भारताला सर्व प्रकारे मदत करू इच्छितात. या योजनेअंतर्गत भारत सरकारसोबत करार केला जाईल. नवांतिया प्रमुख म्हणाले की, जूनच्या शेवटच्या आठवड्यापासून भारतीय नौदल कार्टाजेना येथील शिपयार्डमध्ये एअर इंडिपेंडेंट प्रोपल्शन (एआयपी) चाचण्या सुरू करेल.
या चाचणीत लार्सन अँड टर्बो (एल अँड टी) कंपनी साथ देईल, असे रिकार्डो डोमिंग्वेझ म्हणाले. चाचण्यांदरम्यान भारतीय नौदलाला जागतिक दर्जाचे एआयपी तंत्रज्ञान दिले जाईल. भारतीय नौदल एआयपी तंत्रज्ञानाने सुसज्ज असलेल्या सहा पाणबुड्या घेणार असल्याची माहिती पुढे आली. या तंत्रज्ञानाच्या मदतीने पाणबुड्या दीर्घकाळ पाण्याखाली राहू शकतात. भारतीय नौदलाकडे पूर्वी एआयपी प्रणाली असलेल्या पाणबुड्या नव्हत्या.
L&T आणि Navantia सोबत, जर्मनीची ThyssenKrupp Marine Systems आणि भारताची Mazgaon Dockyards Limited यांचाही सुमारे 60 हजार कोटी रुपयांच्या या प्रकल्पात सहभाग आहे. Navantiaने भारतीय नौदलाच्या प्रकल्पासाठी S-80 पाणबुडीचे डिझाइन देऊ केले आहे. यातील एक पाणबुडी 2024 साली स्पॅनिश नौदलात सामील झाली आहे. Navantia ने दावा केला की S80 चे खास वैशिष्ट्य म्हणजे ते P75(I) च्या तंत्रज्ञानाच्या गरजा कोणत्याही रीडिझाइनची आवश्यकता न ठेवता सहजपणे पूर्ण करते.
Indian Navy has six modern technology submarines in its fleet
महत्वाच्या बातम्या
- टीकेची झोड उठली तरी अजितदादांना सोडवेना सत्तेची वळचण; पवारांच्या राष्ट्रवादीकडूनही अजितदादांची पाठराखण!!
- POCSO प्रकरणात येडियुरप्पा यांच्या अटकेला कर्नाटक उच्च न्यायालयाने दिली स्थगिती!
- रोहिंग्या, बांगलादेशींना परत पाठवणार नाही, तोपर्यंत स्वस्थ बसणार नाही; मंत्री मंगल प्रभात लोढांची ग्वाही
- काश्मीरच्या आजादीची वकिली केल्याबद्दल अर्बन नक्षल अरुंधती रॉय वर UAPA अंतर्गत खटला चालणार!!