प्रतिनिधी
बंगळुरू : कर्नाटक विधानसभा निवडणुकीपूर्वी नंदिनी आणि अमूल या दोन डेअरी ब्रँडवरून गेल्या अनेक दिवसांपासून राज्यात राजकारण सुरू आहे. दरम्यान, काँग्रेस नेते राहुल गांधी यांनी रविवारी नंदिनी ब्रँडचे आईस्क्रीम खरेदी केले. नंदिनी हा डेअरी ब्रँड कर्नाटकची शान असल्याचे त्यांनी सांगितले.In Karnataka, Rahul Gandhi buys Nandini brand ice cream, says it’s the state’s pride, Controversy started over Amul’s entry announcement
यावेळी कर्नाटकचे प्रदेशाध्यक्ष डीके शिवकुमार आणि पक्षाचे सरचिटणीस केसी वेणुगोपाल हेही उपस्थित होते.
5 एप्रिल रोजी अमूलने कर्नाटकमध्ये त्यांच्या उत्पादनांची विक्री सुरू करण्याची घोषणा केली होती. यावर काँग्रेस नेते आणि माजी मुख्यमंत्री सिद्धरामय्या यांनी अमित शहा यांच्यावर स्थानिक ब्रँड नंदिनीचा नाश केल्याचा आरोप केला. तेव्हापासून बॉयकॉट अमूल, गो बॅक अमूल आणि सेव्ह नंदिनी हे हॅशटॅग सोशल मीडियावर ट्रेंड करत आहेत.
जिथे मोदी सरनेमवर भाषण केले होते, तिथे पोहोचले राहुल गांधी
तत्पूर्वी, काँग्रेस नेते राहुल गांधी यांनी कोलार येथे जाहीर सभेला संबोधित केले. हा तोच कोलार मतदारसंघ आहे जिथे राहुल यांनी मोदी आडनावाबाबत वक्तव्य केले होते. 23 मार्च रोजी सुरतच्या न्यायालयाने त्यांना दोन वर्षांच्या तुरुंगवासाची शिक्षा सुनावली. याच्या एका दिवसानंतर त्यांनी खासदारकी गमावली होती.
राहुल यांनी आपल्या भाषणात पुन्हा एकदा अदानी प्रकरणाचा उल्लेख केला. कर्नाटकातील भाजप सरकारच्या 40 टक्के कमिशनचा मुद्दा उपस्थित केला. याशिवाय राज्यात काँग्रेसचे सरकार आल्यास बेरोजगार युवकांना 1500 ते 3000 रुपये, महिलांना 2000 रुपये भत्ता आणि राज्यातील प्रत्येक कुटुंबाला 200 युनिट मोफत वीज देण्याचे आश्वासन त्यांनी दिले.
In Karnataka, Rahul Gandhi buys Nandini brand ice cream, says it’s the state’s pride, Controversy started over Amul’s entry announcement
महत्वाच्या बातम्या
- कर्नाटकात राहुल गांधींच्या दोन रॅली झाल्या; पण अतीकच्या बातम्यांपुढे नॅशनल मीडियात झाकोळल्या!!
- ‘’उत्तराखंडमध्ये ‘लँड जिहाद’ आणि ‘मझार जिहाद’ खपवून घेणार नाही’’ – पुष्करसिंह धामींचा इशारा!
- सावरकरांचा अपमान : मालेगावच्या सभेत उद्धव ठाकरेंचा राहुल गांधींना दम, पण नागपूरच्या सभेत वडेट्टीवार कन्येपुढे नांगी!!
- न्यू इंडियन एक्सप्रेस कृत राष्ट्रवादीतल्या अस्वस्थतेचे पोस्टमार्टेम : अजितदादा हे अमित शहांना भेटले? प्रफुल्ल पटेलही अजितदादांच्या बाजूने?