• Download App
    झारखंडमध्ये काँग्रेसच्या मुस्लिम आमदाराकडून शिवमंदिरात पूजा, भाजप खासदाराकडून आक्षेप ; नवा वाद पेटला|In Jharkhand, Congress Muslim MLA worships at Shiva temple, BJP MP objects; A new argument broke out

    झारखंडमध्ये काँग्रेसच्या मुस्लिम आमदाराकडून शिवमंदिरात पूजा, भाजप खासदाराकडून आक्षेप ; नवा वाद पेटला

    वृत्तसंस्था

    रांची : झारखंड राज्यातील काँग्रेसचे आमदार इरफान अन्सारी यांनी बुधवारी देवघर येथील प्रसिद्ध बैद्यनाथ धाम मंदिरात पूजाअर्चा केली. भगवान शिवाचे अत्यंत पवित्र स्थळ असलेल्या या मंदिरात हिंदू वगळता अन्य धर्मियांना प्रवेश नसताना अन्सारी यांनी पूजा केल्यामुळे नवा वाद निर्माण झाला आहे.In Jharkhand, Congress Muslim MLA worships at Shiva temple, BJP MP objects; A new argument broke out

    दुसरीकडे भाजप खासदार डॉ. निशिकांत दुबे यांनी अन्सारी यांच्या अटकेची मागणी केली आहे.अन्सारी यांनी दावा केला की, मी लहानपणापासून शिवाचे आशीर्वाद घेण्यासाठी बैद्यनाथ धाम येथे दर्शनासाठी येतो. प्रत्येक निवडणुकीत भोले बाबा यांच्यामुळेच मी विजयी झालो आहे.



    भोले बाबा यांच्यापासून मला दूर लोटणारे निशिकांत दुबे कोण आहेत ? त्यावर दुबे म्हणाले, आजपर्यंत हिंदू सोडून येथे कोणालाही प्रवेश नाही. जसा काबा येथे मुस्लिम सोडून अन्य धर्मियांना प्रवेश नाही दिला जात. दरम्यान दुबे आणि अन्सारी यांच्यात गेल्या काही दिवसांपासून ट्विटर युद्ध सुरू आहे.

    गोद्दा रेल्वेस्थानकाच्या उदघाटन कार्यक्रमावरून दोघात मतभेद झाले. त्यानंतर दोघात वारंवार कोणत्याही कारणावरून खटके उडत आहेत. रेल्वेस्टेशनचे उदघाटन कोरोनामुळे व्हरच्युल करण्याचा निर्णय मुख्यमंत्री सोरेन सरकारने घेतला.

     

    त्याला खासदार दुबे यांनी आक्षेप घेऊन ते थाटात करावे, असा आग्रह धरला. त्याला अन्सारी यांनी उत्तर देताना सांगितले रेल्वेस्टेशनचे उदघाटन केवळ मुख्यमंत्री सोरेन यांच्या हस्तेच होईल. रेल्वेस्टेशन उदघाटनाचा वाद आता थेट मंदिर प्रवेशापर्यंत पोचला आहे.

    In Jharkhand, Congress Muslim MLA worships at Shiva temple, BJP MP objects; A new argument broke out

    Related posts

    Raghuram Rajan : रघुराम राजन म्हणाले- रशियन तेल खरेदीबाबत पुन्हा विचार व्हावा; याचा फायदा कोणाला?

    Lovely Anand : खासदार लवली आनंद म्हणाल्या- राहुल गांधींची यात्रा अयशस्वी; जनतेची दिशाभूल करण्याचा प्रयत्न

    RSS Chief Mohan Bhagwat : सरसंघचालक म्हणाले- भाजप-RSS मध्ये कोणताही वाद नाही; आम्ही सरकारसाठी निर्णय घेत नाही, फक्त सल्ला देतो