प्रतिनिधी
इस्लामाबाद : पाकिस्तानच्या अशांत बलुचिस्तान प्रांतात जगप्रसिद्ध वार्षिक हिंगलाज माता महोत्सव उत्साहात साजरा करण्यात आला. सोमवारी संपन्न झालेल्या या शतकानुशतके जुन्या धार्मिक उत्सवात पाकिस्तान आणि भारतासह इतर देशांतील भाविकांनी सहभाग घेतला. कोविड-19 महामारीनंतर प्रथमच भारतीय हिंदूंनी या उत्सवात सहभाग घेतला.Hinglaj Mata festival celebrated with enthusiasm in Pakistan, Indian Hindus participate after two years
बलुचिस्तान प्रांतातील लासबेला जिल्ह्यातील कुंड मालीर भागात असलेले प्राचीन हिंगलाज माता मंदिर हे हिंदू संस्कृतीतील सर्वात मोठे तीर्थक्षेत्र मानले जाते. हे जगातील पाच प्राचीन हिंदू मंदिरांपैकी एक आहे. हिंदू देवी सतीला समर्पित असलेले हिंगलाज मंदिर हे 51 शक्तीपीठांपैकी एक आहे.
बलुचिस्तानचे सिनेटर दिनेश कुमार म्हणाले की, गेल्या वर्षीप्रमाणे याही वर्षी मोठ्या संख्येने हिंदू यात्रेकरू या उत्सवात सहभागी होण्यासाठी येथे आले आहेत, कारण कोविड महामारीमुळे दोन वर्षांपासून हा उत्सव आयोजित करण्यात आला नव्हता. ते म्हणाले की, या तीन दिवसीय धार्मिक उत्सवात सहभागी होण्यासाठी शेकडो हिंदू इतर देशांतून येतात.
कुमार म्हणाले की, मकरन कोस्टल हायवेच्या निर्मितीनंतर ऐतिहासिक मंदिरापर्यंत आता सहज पोहोचता येते. किर्थर पर्वताच्या पायथ्याशी हे मंदिर असल्याने पूर्वीच्या भाविकांना जाणे अवघड होते. ते म्हणाले की, अनेक भाविक मंदिरापर्यंत जाण्यासाठी डोंगर चढून जाणे पसंत करतात कारण मंदिरापर्यंत पोहोचण्यासाठी जितके कष्ट सहन करावे लागतील तितकी हिंगलाज माता त्यांच्या मनोकामना पूर्ण करते, अशी मान्यता आहे.
एक हजार सुरक्षा कर्मचारी तैनात
ते पुढे म्हणाले की, बलुचिस्तान सरकारने यात्रेकरूंना सुरक्षा देण्यासाठी किमान 1,000 सुरक्षा पोलीस कर्मचारी आणि फ्रंटियर कॉर्प्स तैनात केले आहेत. वार्षिक हिंगलाज माता उत्सवाची सोमवारी सांगता झाली. त्याचवेळी बलुचिस्तानचे अल्पसंख्याक मंत्री खलील जॉर्ज यांनी माध्यमांना सांगितले की, हिंगलाज माता मंदिरात सर्व मूलभूत सुविधा देण्यासाठी सरकारने 300 दशलक्ष रुपये खर्च केले. यात्रेकरूंच्या सुरक्षेसाठी मंदिरात सीसीटीव्ही कॅमेरेही लावण्यात आले होते.
निकाहनंतर बेनझीर यांची भाची पतीसोबत शिवमंदिरात
दुसरीकडे पाकिस्तानच्या माजी पंतप्रधान बेनझीर भुट्टो यांची भाची फातिमा भुट्टो हिने लग्नानंतर हिंदू मंदिरात जाऊन नवा आदर्श ठेवला आहे. सोशल मीडियावर लोक त्यांचे कौतुक करत आहेत, तर काही कट्टरपंथीयांवर टीकाही करत आहेत. माजी पंतप्रधान बेनझीर भुट्टो यांचे भाऊ दिवंगत मुर्तझा भुट्टो यांची मुलगी फातिमा (40) हिने शुक्रवारी ग्रॅहम जिब्रान यांच्याशी तिचे आजोबा झुल्फिकार अली भुट्टो यांच्या कराचीतील लायब्ररीत लग्न केले. पतीसोबत फातिमानेही शिवलिंगावर जलाभिषेकही केला.
Hinglaj Mata festival celebrated with enthusiasm in Pakistan, Indian Hindus participate after two years
महत्वाच्या बातम्या
- खरगेंच्या मुलाची जीभ घासरली, मोदींबद्दल काढले अपशब्द, प्रियांका गांधींच्या वक्तव्याचा केला बचाव
- ‘मन की बात’बद्दल केलेलं ‘ते’ ट्वीट आम आदमी पार्टीचे नेते इसुदान गढवींना भोवलं!
- सावरकर मुद्द्यावर राहुल गांधी “सुधारले”; पण मोदी मुद्द्यावर काँग्रेस नेते घसरलेलेच!!
- बारसू प्रकल्पासाठी आता शरद पवारांना का भेटता?, उद्धव ठाकरेंनी दाबली शिंदे – फडणवीस सरकारची नस