विशेष प्रतिनिधी
नवी दिल्ली : नव्या माहिती तंत्रज्ञानविषयक नियमांचे पालन करण्यास टाळाटाळ करणाऱ्या ट्विटर या मायक्रोब्लॉगिग प्लॅटफॉर्मला दिल्ली उच्च न्यायालयाने धारेवर धरले. ट्विटरने माहिती तंत्रज्ञानविषयक नियमांचे पालन केले नसल्याचे न्यायालयाने म्हटले आहे. HC once again targets twitter
मुख्य तक्रारनिवारण अधिकारी म्हणून व्यवस्थापनातील एखादा उच्चपदस्थ अधिकारी किंवा कर्मचाऱ्याची नियुक्ती करणे अपेक्षित आहे, असे न्या. रेखा पल्ली यांनी म्हटले आहे. ट्विटरने या अनुषंगाने न्यायालयात शपथपत्र सादर केले असून त्यात कंत्राटदाराच्या माध्यमातून निवड करण्यात आलेल्या कर्मचाऱ्यालाच मुख्य तक्रार निवारण अधिकारी म्हणून नेमल्याची माहिती दिली होती.
या पदावर तुम्ही नियुक्त केलेली व्यक्ती ही निःसंशयपणे तुमचा कर्मचारी नाही. नियमांना तुम्ही फारसे गंभीरपणे घेत नसल्याचे दिसते. नियमांचे पण एक पावित्र्य असते, असेही न्यायालयाने यावेळी ट्विटरला सुनावले.
ट्विटरचे शपथपत्र स्वीकारण्यास देखील न्यायालयाने स्पष्ट शब्दांत नकार देत तुम्हाला नियमांचे पालन करावेच लागेल असे बजावले. न्यायालयाच्या या आदेशांनंतर आता ट्विटरला नव्याने शपथपत्र सादर करावे लागेल. ट्विटरने आता कंत्राटदाराचे नाव सांगावे तसेच कंत्राटाचे स्वरूप देखील स्पष्ट करावे असे न्यायालयाने सांगत त्यासाठी आठवडाभराचा वेळ दिला आहे.
HC once again targets twitter
महत्त्वाच्या बातम्या
- सोशल मीडियावर पंतप्रधान नरेंद्र मोदी यांचा जलवा, ट्विटर अकाऊंट सात कोटी फॉलोअर्स
- टाटा मोटर्स पुढील आठवड्यात वाढविणार मोटारींच्या किंमती, टियोगो, नेक्सॉन, हैरियार आणि सफारी होणार महाग
- बड्या घरचे श्वान शोधण्यासाठी पोलीस आणि महापालिकेची यंत्रणा लागली कामाला, पाकिस्तानातील गुजराणवाला येथील प्रकार
- बालकांच्या हक्कांचे रक्षण करण्यासाठी केंद्राने संसदेने मंजूर केले बाल न्याय सुधारण विधेयक
- जगभर ढोल वाजवलेले कोरोनाविरुद्धचे केरळ मॉडेल अपयशी ठरतंय..? आकडेवारी तरी तसेच सांगतेय…