वृत्तसंस्था
अहमदाबाद : आम आदमी पक्षाने गुजरात विधानसभा निवडणुकीसाठी उमेदवारांची पहिली यादी प्रसिद्ध केली आहे. पहिल्या यादीत 10 उमेदवारांच्या नावांचा समावेश आहे. उमेदवारांमध्ये पक्ष संघटनेत महत्त्वाची भूमिका बजावणाऱ्या नेत्यांनाही संधी देण्यात आली आहे. यात भीमाभाई चौधरी यांना देवदर, जगमाल वाला यांना सोमनाथ, अर्जुन राठवा यांना छोटा उदयपूरमधून तिकीट देण्यात आले आहे. राजकोट दक्षिणमधून शिवलाल बरसिया, राजकोट ग्रामीणमधून वशराम सगठिया यांना संधी देण्यात आली आहे.Gujarat Election: Aam Aadmi Party released first list of 10 candidates
दरम्यान, आम आदमी पक्षाने गुजरात निवडणुकांच्या पार्श्वभूमीवर जय्यत तयारी केली आहे. दिल्लीचे मुख्यमंत्री अरविंद केजरीवाल सोमवारी गुजरात दौऱ्यावर पोहोचले. त्यांनी विधानसभा निवडणुकांसाठी गुजरातेत आश्वासने दिली. केजरीवाल म्हणाले की, आज तुम्हाला गॅरंटी देत आहे की, जे बोलत आहे ते करून दाखवेन. त्यांनी म्हटले की, जर 5 वर्षांत बोललो तसे केले नाही तर धक्के मारून बाहेर काढा.
दिल्लीचे मुख्यमंत्री पुढे म्हणाले, मी रोजगाराची गॅरंटी देत आहे. यासोबतच केजरीवालांनी आपल्या विरोधकांवरही निशाणा साधला. अरविंद केजरीवाल यांनी आपली गॅरंटी सादर करत 5 वर्षांच्या दरम्यान बेरोजगारांना रोजगार देण्याचे, रोजगार मिळेपर्यंत 3 हजार रुपये बेरोजगारी भत्ता, 10 लाख सरकारी नोकऱ्यांची भरती, पेपर लीकसाठी कठोर कायदा आणि सहकाराच्या क्षेत्रात नोकऱ्यांची पद्धत दुरुस्त करून ती पारदर्शक करण्याचे आश्वासन दिले आहे.
Gujarat Election: Aam Aadmi Party released first list of 10 candidates
महत्वाच्या बातम्या
- इम्रान खान यांच्या अडचणीत वाढ, पक्षाला मिळालेल्या परदेशी निधीवरून ठपका, निर्बंधांची शक्यता
- चीनला अमेरिकेचे थेट आव्हान : 24 लढाऊ विमाने घेऊन पोहोचल्या पेलोसी, चीनकडून हल्ल्याची धमकी
- सुप्रीम कोर्टात आज 16 आमदारांच्या अपात्रतेची सुनावणी, यानंतरच होणार मंत्रिमंडळ विस्तार
- उदय सामंतांच्या गाडीवर हल्ला दगडफेक; ते शिवसैनिक नव्हते, विनायक राऊतांचा खुलासा; 8 दिवसांत प्रत्युत्तर ; तानाजी सावंत