वृत्तसंस्था
नवी दिल्ली : काँग्रेस नेते राहुल गांधी सध्या अमेरिकेत असून तिथे त्यांनी मोदी सरकारवर टीकाही केली आहे. यावर भारताचे परराष्ट्र मंत्री एस. जयशंकर यांनी त्यांच्यावर निशाणा साधला आहे. जयशंकर म्हणाले, काही गोष्टी राजकारणाच्या वर असतात. परदेश दौऱ्यावर असताना मी राजकीय वाद करत नाही.Foreign Minister Jaishankar’s advice to Rahul Gandhi, said- I don’t go abroad and do politics, always remember!
ब्रिक्स देशांच्या परराष्ट्र मंत्र्यांच्या बैठकीला उपस्थित राहण्यासाठी भारतीय परराष्ट्र मंत्री सध्या दक्षिण आफ्रिकेत पोहोचले आहेत. जयशंकर केपटाऊनमध्ये भारतीय समुदायाच्या लोकांशी बोलत होते. दरम्यान, भारतीय वंशाच्या व्यक्तीने राहुल गांधी यांचे नाव न घेता त्यांच्या अमेरिका दौऱ्याबाबत प्रश्न केला. अमेरिकेतील ‘कुणीतरी’ व्यक्तीच्या टिप्पणीवर त्यांचे काय म्हणणे आहे, असे विचारले असता जयशंकर म्हणाले, “बघा, मी माझ्यासाठी बोलू शकतो. मी परदेशात गेल्यावर राजकारण न करण्याचा प्रयत्न करतो. जर मला वाद करायचा असेल तर मी तो माझ्या देशात करेन.”
मी मायदेशी गेल्यावर उत्तर देईन – जयशंकर
मंत्री पुढे म्हणाले, लोकशाही देशात प्रत्येकाची सामूहिक जबाबदारी, राष्ट्रहित, सामूहिक प्रतिमा असते. काही गोष्टी राजकारणाच्या वरच्या असतात. देशाबाहेर पाऊल ठेवताना या गोष्टी लक्षात ठेवाव्यात.
ते म्हणाले, मी माझे वेगळे मत ठेवू शकतो आणि मी त्यांच्यापेक्षा वेगळे मत ठेवतोही. पण याचं उत्तर कसं देणार, म्हणून मायदेशी जाऊन उत्तर देईन.
राहुल गांधींचा पंतप्रधानांवर हल्लाबोल
अमेरिकेतील सांता क्लारा येथे भारतीय वंशाच्या लोकांना संबोधित करताना राहुल गांधी यांनी पंतप्रधान मोदींवर टीका केली होती. पंतप्रधान मोदींच्या नेतृत्वाखालील सरकारच्या कामाचा प्रभाव अल्पसंख्याक, दलित आणि आदिवासी समाजाला जाणवत असल्याचा आरोप त्यांनी केला होता. काँग्रेस नेते म्हणाले, मुस्लिमांना याचा थेट परिणाम वाटत आहे कारण ते त्यांच्याशी अगदी थेट पद्धतीने केले जात आहे, परंतु हे सर्व समुदायांच्या बाबतीत होत आहे.
राहुल म्हणाले होते की, तुम्हाला (मुस्लिम) जसं वाटतंय, शीख, ख्रिश्चन, दलित आणि आदिवासींनाही तसंच वाटत असेल याची मी खात्री देतो. तुम्ही द्वेषाला द्वेषाने मारू शकत नाही, ते फक्त प्रेमानेच करता येते.
Foreign Minister Jaishankar’s advice to Rahul Gandhi, said- I don’t go abroad and do politics, always remember!
महत्वाच्या बातम्या
- ओडिशा रेल्वे अपघाताबद्दल जगभरातील नेत्यांनी व्यक्त केला शोक; पाक, कॅनडा, ब्रिटनचे पंतप्रधान काय म्हणाले? वाचा सविस्तर…
- ताप, डोकेदुखी, मायग्रेनवर वापरल्या जाणाऱ्या १४ औषधांवर बंदी; कोडीन सिरप आणि पॅरासिटामॉलचाही समावेश!
- काँग्रेस नेते पी. चिदंबरम म्हणतात भारताने अमेरिकेसारखी अध्यक्षीय पद्धत स्वीकारावी; पंतप्रधानांचीही असावी फिक्स्ड टर्म
- हॉलिवूड स्टार लिओनार्दो डिकॅप्रियो भारतवंशीय तरुणीला करतोय डेट; जाणून घ्या, कोण आहे मॉडेल नीलम गिल