विशेष प्रतिनिधी
नवी दिल्ली : विरोधी पक्षांची महाआघाडी ‘इंडिया’च्या समन्वय समितीची पहिली बैठक बुधवारी नवी दिल्लीत झाली. बैठकीत जातनिहाय जनगणना हा प्रमुख मुद्दा बनवण्याची घोषणा करण्यात आली. अशा 400 लोकसभेच्या जागा शोधून जेथे भाजपच्या विरोधात ‘इंडिया’ आघाडीचा उमेदवार सहजपणे उभा केला जाऊ शकतो. उर्वरित जागांवर आघाडीचे नेते निर्णय घेतील. जागावाटपासाठी राज्यस्तरीय समित्या स्थापन केल्या जातील. राज्यात जो पक्ष मजबूत असेल तोच समितीचे नेतृत्व करेल. जागावाटपासाठी ऑक्टोबरची अंतिम मुदत देण्यात आली आहे. महाआघाडीची पहिली संयुक्त सभा ऑक्टोबरच्या पहिल्या आठवड्यात भोपाळमध्ये होणार आहे.First meeting of ‘India’ Alliance in October; The issue of caste-wise census, inflation, unemployment will ignite
सनातन धर्म वादावर भाष्य करणार नाही
सनातन धर्माच्या मुद्द्याशी संबंधित वादावर ‘इंडिया’ आघाडीकडून कोणतेही वक्तव्य केले जाणार नाही. यावर तामिळनाडूचे मुख्यमंत्री एमके स्टॅलिन यांनी आघाडीची भूमिका स्पष्ट केली आहे. सरकारी अजेंडा चालवणाऱ्या टीव्ही अँकर आणि वाहिन्यांची यादी तयार करण्यात आली आहे. सूत्रांनी दिलेल्या माहितीनुसार, असे 12 हून अधिक अँकर आणि चॅनल्स आहेत. त्यांची यादीही लवकरच जाहीर करण्यात येणार आहे. ‘इंडिया’ आघाडीचा कोणताही नेता अशा अँकर आणि वाहिन्यांच्या डिबेटमध्ये जाणार नाही. विधानसभा निवडणुकीत ‘इंडिया’ आघाडी नसेल. ‘इंडिया’ आघाडीचे उमेदवार निवडताना दुसऱ्या आणि तिसऱ्या पसंतीच्या उमेदवारांची संपूर्ण यादीही तयार केली जाईल.
बैठकीला उपस्थित राहू नये म्हणून अभिषेक यांची चौकशी : राऊत
शिवसेनेचे नेते संजय राऊत यांनी आरोप केला की, टीएमसी नेते अभिषेक बॅनर्जी ‘इंडिया’ बैठकीला उपस्थित राहू नयेत , म्हणून ईडीने बुधवारी त्यांना चौकशीसाठी बोलावले होते. राऊत म्हणाले, केंद्रीय एजन्सीज सरकारच्या इशाऱ्यावर आघाडीच्या सदस्यांना त्रास देत आहेत.
First meeting of ‘India’ Alliance in October; The issue of caste-wise census, inflation, unemployment will ignite
महत्वाच्या बातम्या
- उज्ज्वला योजनेतून 75 लाख महिलांना मोफत गॅस कनेक्शन; मोदी सरकारची मोठी भेट
- नव्या संसद भवनातून नवभारताचा हुंकार; पण विरोधकांनी चालवलाय सावरकर – मोदींचा फुकट प्रचार!!
- मणिपूरमध्ये सशस्त्र हल्लेखोरांनी पोलीस उपनिरीक्षकाची गोळी झाडून केली हत्या, दोनजण जखमी
- उत्तर प्रदेश : लाचखोर रेल्वे अधिकाऱ्याला CBIने केली अटक, घरात सापडला नोटांचा ढीग, करोडो रुपये जप्त