अखेर हुबळीच्या ईदगाह मैदानावर गणपतीची स्थापना : कालच कर्नाटक उच्च न्यायालयाने फेटाळली होती याचिका

वृत्तसंस्था

बंगळुरू : ईदगाह मैदानावर गणेश चतुर्थीनिमित्त गणपतीच्या स्थापनेला आव्हान देणारी याचिका कर्नाटक उच्च न्यायालयाने काल फेटाळून लावली होती. हुबळी-धारवाडच्या ईदगाह मैदानावर गणेश चतुर्थीचे आयोजन करता येईल, असे न्यायालयाने म्हटले आहे. त्याचबरोबर ईदगाहच्या जमिनीबाबत कोणताही वाद नसल्याचे न्यायालयाने स्पष्ट केले. ही मालमत्ता वादग्रस्त असल्याचा युक्तिवाद सरकारच्या वतीने करण्यात आला, तो न्यायालयाने फेटाळला.Finally Lord Ganesha Puja at Eidgah Maidan in Hubli Karnataka, High Court rejected the petition yesterday

दुसरीकडे, सर्वोच्च न्यायालयाने मंगळवारी बेंगळुरू येथील ईदगाह मैदानावर गणेशपूजेला स्थगिती दिली. कर्नाटक वक्फ बोर्डाच्या याचिकेवर सुनावणी करताना न्यायालयाने यथास्थिती ठेवण्याचे निर्देश दिले. यानंतर दोन्ही पक्षांना वादावर तोडगा काढण्यासाठी कर्नाटक उच्च न्यायालयात जाण्याचे आदेश देण्यात आले.

---

• कर्नाटकात 350 हून अधिक गणेश मंडळांमध्ये सावरकर बॅनर्सची धूम!!; युवा ब्रिगेडचा पुढाकार

---

सुप्रीम कोर्टाच्या तीन न्यायाधीशांच्या खंडपीठावर सुनावणी झाली

कर्नाटक उच्च न्यायालयाच्या खंडपीठाने अधिकाऱ्यांना यावर निर्णय घेण्यास सांगितले होते, त्यानंतर पूजेला परवानगी देण्यात आली. या निर्णयाविरोधात कर्नाटक वक्फ बोर्डाने सर्वोच्च न्यायालयात धाव घेतली होती. मुख्य न्यायमूर्ती यूयू ललित यांनी मंगळवारी सकाळीच या प्रकरणाच्या सुनावणीसाठी तीन न्यायाधीशांच्या खंडपीठाची स्थापना केली होती. त्यात न्यायमूर्ती इंदिरा बॅनर्जी, न्यायमूर्ती एस ओका आणि न्यायमूर्ती एमए एम सुंदरेश यांचा समावेश आहे.

गणेश प्रतिष्ठापनेला तीन दिवस परवानगी

कर्नाटक उच्च न्यायालयाच्या खंडपीठाने 26 ऑगस्ट रोजी राज्य सरकारला निर्देश दिले होते. यामध्ये चामराजपेठ येथील ईदगाह मैदानाच्या वापरासाठी बेंगळुरू शहराच्या जिल्हाधिकाऱ्यांनी प्राप्त केलेल्या अर्जांचा विचार करून योग्य ते आदेश जारी करण्याचे निर्देश देण्यात आले. यानंतर हुबळी-धारवाड महापालिकेने तीन दिवस याठिकाणी गणेशमूर्तींची प्रतिष्ठापना करण्यास परवानगी देण्याचा निर्णय घेतला होता.

हुबळी-धारवाडचे नगराध्यक्ष इरेश अचंतेगेरी यांनी सोमवारी रात्री लोकप्रतिनिधींसोबत झालेल्या बैठकीनंतर ही घोषणा केली. महापौरांनी सांगितले की, गणेशमूर्ती बसविण्यास 6 संस्थांनी परवानगी मागितली होती. याला काँग्रेस नगरसेवकांनी विरोध केला.

Finally Lord Ganesha Puja at Eidgah Maidan in Hubli Karnataka, High Court rejected the petition yesterday

महत्वाच्या बातम्या 

• गणेशोत्सव : राष्ट्र जागरण उत्सव… सार्वजनिक गणेशोत्सव मूलभूत प्रेरणा मोहरम मध्ये नव्हे; तर वारकरी संप्रदायात!!
• दिल्लीत नायब राज्यपालांच्या विरोधात आप आक्रमक : 1400 कोटींच्या जुन्या नोटा बदलल्याचा आपचा आरोप
• सर्वोच्च न्यायालयाचा आदेश : 2002 च्या गुजरात दंगल प्रकरणात नरोडा वगळता सर्व खटले बंद
• मद्य धोरणावरून अण्णा हजारेंनी केजरीवालांना फटकारले : म्हणाले- तुमच्या कथनी आणि करनीत फरक!