वृत्तसंस्था
वॉशिंग्टन : जगातील दुसऱ्या क्रमांकाची श्रीमंत व्यक्ती एलन मस्क ट्विटरच्या सीईओ पदाचा राजीनामा देणार आहेत. ट्विटर किंवा एक्स कॉर्पसाठी नवीन सीईओ सापडल्याचे त्यांनी जाहीर केले आहे. त्यांनी त्या व्यक्तीची ओळख उघड केली नाही आणि सुमारे सहा आठवड्यांत नवीन सीईओ जॉइन करणार असल्याची माहिती त्यांनी दिली आहे.Elon Musk to step down as Twitter CEO, female CEO to join in 6 weeks
एलन मस्क यांनी ट्विटर विकत घेतल्यानंतरच सीईओचा शोध सुरू केला होता, मात्र अद्याप सीईओ सापडला नाही. मात्र, आता एलन मस्क यांच्या या घोषणेनंतर सीईओचा शोध संपला असून लवकरच ट्विटरचा पुढचा सीईओ दिसेल असे दिसते आहे.
एलन मस्क यांना कोणत्याही कंपनीचे सीईओ बनायचे नाही
एलन मस्क यांनी ऑक्टोबरमध्ये ट्विटर विकत घेतले आणि तेव्हापासून ते त्याचे मुख्य कार्यकारी अधिकारी म्हणून काम करू लागले. ट्विटरला कायमस्वरूपी सीईओ नाही, असे त्यांचे म्हणणे आहे. टेस्लाचे सीईओ म्हणाले की, नवीन सीईओ आल्यानंतर त्यांची भूमिका बदलेल. आपल्याला कोणत्याही कंपनीचे सीईओ व्हायचे नाही, अशी माहिती मस्क यांनी न्यायालयाला दिली होती.
ट्विटरची सीईओ महिला होणार!
एलन मस्क यांनी ट्विटरवर पोस्ट केले की मी एक्स/ ट्विटरसाठी नवीन सीईओ नियुक्त केल्याची घोषणा करताना मला आनंद होत आहे. त्या सहा आठवड्यांत जॉइन होतील. आपल्या ट्विटमध्ये मस्क यांनी दावा केला आहे की, सीईओ महिला आहे. ते म्हणाले की यानंतर माझी भूमिका कार्यकारी अध्यक्ष आणि सीटीओ म्हणून उत्पादन, सॉफ्टवेअर आणि सिसॉप्सची देखरेख अशी राहणार आहे.
मस्क यांनी पूर्वीच दिली होती राजीनाम्याची कल्पना
मस्क यांनी साक्ष दिली होती की, त्यांना ट्विटरवरील आपला वेळ कमी करायचा आहे आणि कालांतराने ट्विटर चालवण्यासाठी कोणीतरी शोधण्याचा प्रयत्न आहे. मी सीईओ पदाचा राजीनामा देणार असल्याचे त्यांनी सांगितले होते. एलन मस्क यांनी ट्विटर विकत घेतल्यापासून अनेक कर्मचाऱ्यांना बाहेरचा रस्ता दाखवण्यात आला आहे.
Elon Musk to step down as Twitter CEO, female CEO to join in 6 weeks
महत्वाच्या बातम्या
- इम्रान खान यांची सुटका, सर्वोच्च न्यायालयाने अटक बेकायदेशीर ठरवली; आज इस्लामाबाद हायकोर्टात सुनावणी
- मणिपूरमध्ये पुन्हा भडकला हिंसाचार; अतिरेकी गटाशी झालेल्या चकमकीत एक कमांडो शहीद, पाच जखमी
- सत्ता संघर्षावरील सर्वोच्च न्यायालयाच्या निकालाची ‘वस्तुस्थिती‘ आणि ‘फेक नॅरेटिव्ह’ !
- पुण्यात आगळ्यावेगळ्या सामूहिक विवाह सोहळ्याचं आयोजन..