वृत्तसंस्था
जम्मू : जम्मू-काश्मीरचे उपराज्यपाल मनोज सिन्हा यांनी सोमवारी केंद्रशासित प्रदेशातील आरोग्य व वैद्यकीय शिक्षण विभागाच्या कोविड -19 वॉरियर्सना खास आर्थिक प्रोत्साहन मंजूर केले.Corona Warriors in Jammu and Kashmir Incentive allowance
एका निवेदनानुसार, या निर्णयाचा निवासी डॉक्टर, वैद्यकीय अधिकारी, पॅरामेडिकल / नर्सिंग स्टाफ, ड्रायव्हर्स आणि चतुर्थ श्रेणी कर्मचार्यांसह 17,000 हून अधिक कोरोना योद्ध्यांना फायदा होईल.
निवासी डॉक्टर, पीजी आणि वैद्यकीय अधिका-यांना दरमहा 10,000 रुपये, नर्सिंग व पॅरामेडिकल कर्मचार्यांना 7000 रुपये आणि चालक, सफाई कामगार आणि सेवादारांना दरमहा 5000 रुपये प्रोत्साहन भत्ता म्हणून दिले जातील.
त्यांचा कार्यकाळ सुरुवातीला 3 महिन्यांचा असेल. आणि मे 2021 पासून त्याचा मोबदला दिला जाईल, असे निवेदनात म्हटले आहे. कोविड -19 प्रकरणातील वाढ आणि या महत्त्वपूर्ण टप्प्यावर उपलब्ध वैद्यकीय सेवांचा आढावा उपराज्यपाल यांनी घेतला.
एसकेआयएम, सौरा, श्रीनगर / बेमिना येथे कार्यरत असलेले प्राध्यापक, सल्लागार आणि डॉक्टरांना 1 डिसेंबर 2021 पर्यंत मुदतवाढही दिली. ते मे ते नोव्हेंबर या कालावधीत निवृत्त होणार होते. दरम्यान, जम्मू-काश्मीरमध्ये 32,421 कोरोनाची सक्रिय प्रकरणे आहेत. आतापर्यंत एकूण 1,48,695 जण बरे झाले आहेत.
Corona Warriors in Jammu and Kashmir Incentive allowance
महत्त्वाची बातमी
- दिलासादायक, देशात रेमडेसिवीरचे उत्पादन झाले तिप्पट
- ईस्त्राएलकडून कृतज्ञतेने मदत, भारताला जीवरक्षक उपकरण
- रिलायन्सला ३५ टक्के नफा झाल्याने कर्मचाऱ्यांना मिळणार बोनस
- लक्षात ठेवा, तृणमूल कॉँग्रेसच्या मुख्यमंत्री आणि नेत्यांना दिल्लीत यावे लागते, भाजपा खासदाराचा संतप्त इशारा
- उत्तर प्रदेशात पत्रकार आणि त्यांच्या कुटुंबियांना मिळणार मोफत लस, योगी आदित्यनाथांचा निर्णय