Corona cases : देशातील अनेक राज्यांमध्ये कोरोना संसर्गाची स्थिती सुधारत आहे, परंतु केरळमधील परिस्थिती अजूनही गंभीर आहे. गेल्या 24 तासांत देशात 30941 नवीन रुग्ण नोंदवण्यात आले, तर 350 जणांचा मृत्यू झाला आहे. यापैकी 19622 रुग्ण एकट्या केरळमधील आहेत. गेल्या 24 तासांत येथे 132 जणांचा मृत्यू झाला आहे. Corona cases update out of 30941 fresh COVID 19 cases and 350 deaths Kerala reported 19622 cases 132 deaths
वृत्तसंस्था
नवी दिल्ली : देशातील अनेक राज्यांमध्ये कोरोना संसर्गाची स्थिती सुधारत आहे, परंतु केरळमधील परिस्थिती अजूनही गंभीर आहे. गेल्या 24 तासांत देशात 30941 नवीन रुग्ण नोंदवण्यात आले, तर 350 जणांचा मृत्यू झाला आहे. यापैकी 19622 रुग्ण एकट्या केरळमधील आहेत. गेल्या 24 तासांत येथे 132 जणांचा मृत्यू झाला आहे.
केरळमध्ये संसर्ग झपाट्याने वाढण्याचे कारण म्हणजे तेथे कॉन्टॅक्ट ट्रेसिंग योग्य प्रकारे करण्यात येत नाहीये. उदाहरणार्थ, जर एखाद्या व्यक्तीला संसर्ग झाला असेल, तर त्याला गेल्या 24 किंवा 48 तासांमध्ये भेटलेल्या लोकांच्या संख्येबद्दल अचूक माहिती मिळत नाही. यामुळे लोक स्वतःला विलगीकरणात ठेवत नाहीत आणि यामुळे संसर्ग वेगाने पसरत आहे. केंद्रीय पथकाने स्थानिक सरकारला याबाबत इशाराही दिला आहे.
देशातील कोरोनाची परिस्थिती
दुसरीकडे, देशभरात कोरोनाचे 30941 नवीन रुग्ण आढळल्यानंतर गेल्या 24 तासांमध्ये 36,275 जण संसर्गातून बरे झाले आहेत. केंद्रीय आरोग्य मंत्रालयाच्या नवीन आकडेवारीनुसार, देशात सक्रिय रुग्णांची संख्या वाढून 3,70,640 झाली आहे.
आरोग्य मंत्रालयाच्या मते, कोविड -19 संसर्गामुळे देशात आतापर्यंत 4,38,560 लोकांचा मृत्यू झाला आहे आणि 3,19,59,680 कोरोनामुक्त झाले आहेत. इंडियन कौन्सिल ऑफ मेडिकल रिसर्च (ICMR) नुसार, सोमवारी देशभरात 13,94,573 नमुन्यांची चाचणी घेण्यात आली. देशात साथीच्या प्रारंभापासून आतापर्यंत 52,15,41,098 नमुन्यांची चाचणी घेण्यात आली आहे. तर दुसरीकडे, आतापर्यंत 64,05,28,644 लोकांना लस देण्यात आली आहे.
केरळमध्ये रात्रीचा कर्फ्यू
कोरोनाची वाढती प्रकरणे पाहता केरळ सरकारने कोविडच्या आढावा बैठकीत निर्णय घेतला होता की, राज्यात सोमवारी (रात्री 10 ते सकाळी 6) रात्रीपासून कर्फ्यू लागू केला जाईल. अशा स्थितीत राज्यात 30 ऑगस्टपासून रात्रीचा कर्फ्यू लागू करण्यात आला आहे.
मुख्यमंत्र्यांनी सांगितले होते की, ज्या ठिकाणी संक्रमित लोकांची संख्या 7 टक्क्यांपेक्षा जास्त आहे तेथे तिहेरी लॉकडाउन असेल आणि प्रत्येक जिल्ह्यात प्रतिबंधात्मक उपाययोजना समन्वयित करण्याची जबाबदारी आयपीएस अधिकारी घेतील. स्थानिक संस्थांना लसींचा पुरेसा साठा असल्याची खात्री करण्यास सांगितले आहे.
Corona cases update out of 30941 fresh COVID 19 cases and 350 deaths Kerala reported 19622 cases 132 deaths
महत्त्वाच्या बातम्या
- 70 वर्षांच्या इतिहासात प्रथमच सर्वोच्च न्यायालयात एकाच वेळी 9 न्यायाधीशांचा शपथविधी, कोरोना प्रोटोकॉलमुळे विशेष कार्यक्रम
- Orange Alert Mumbai rains : मुंबईसह ठाण्यात पावसाची जोरदार हजेरी पुढील तीन दिवस पावसाचे ; ऑरेंज अ‍ॅलर्ट जारी
- IRCTC New Rule : तिकीट बुकिंगचे नियम बदलले; व्हेरिफिकेशन सक्तीचं ; तारीख बदलता येणार ll वाचा सविस्तर
- करण जोहर म्हणाला, माझी आई एक ‘सुपरहिरो’, आठ महिन्यांत झाल्या दोन शस्त्रक्रिया!
- ठाणे महापालिकेच्या महिला अधिकाऱ्यावर फेरीवाल्याचा चाकू हल्ला; दोन बोटे तुटली; अतिक्रमणविरोधी कारवाईवेळी धक्कादायक प्रकार