वृत्तसंस्था
बंगळुरू : 2024 च्या लोकसभा निवडणुकीत काँग्रेस पक्ष राज्यात किमान 20 जागा जिंकेल, असे कर्नाटकचे मुख्यमंत्री सिद्धरामय्या यांनी म्हटले आहे. कर्नाटकात लोकसभेच्या एकूण 28 जागा आहेत. राज्यात काँग्रेसची सत्ता आहे. सिद्धरामय्या यांनी जास्त जागा जिंकण्याचा भाजपचा दावा फेटाळून लावला.Congress will win 71 percent seats in Karnataka in 2024 Lok Sabha elections, claims Chief Minister Siddaramaiah
मंड्यामध्ये सिद्धरामय्या म्हणाले, “यावेळी आम्ही किमान 20 जागा जिंकण्याची तयारी करत आहोत. भारतीय जनता पक्ष 28 जागा जिंकण्याचा पोकळ दावा करत आहे. त्यांना कळून चुकले आहे की, यावेळी कर्नाटकची जनता काँग्रेसला आशीर्वाद देईल.”
जेडीएस वेगळ्या पक्षाप्रमाणे काम करत नाही – मुख्यमंत्री सिद्धरामय्या
भारतीय जनता पक्ष आणि जनता दल (धर्मनिरपेक्ष) यांच्या युतीविरोधातील रणनीतीबाबत मुख्यमंत्री सिद्धरामय्या म्हणाले, “यावेळी आमच्याकडे एकच विरोधी पक्ष आहे भाजप. विरोधी पक्षात दोन नाही, तर एकच पक्ष आहे. जनता दलाचे (धर्मनिरपेक्ष) भाजपमध्ये विलीनीकरण झाले आहे आणि तो आता वेगळा पक्ष म्हणून काम करत नाही.”
गेल्या निवडणुकीत भाजपला 25 जागा मिळाल्या
2019च्या लोकसभा निवडणुकीत भाजपने कर्नाटकात 25 जागा जिंकल्या. तर मंड्या मतदारसंघातून अपक्ष उमेदवार सुमलता विजयी झाल्या होत्या. या उमेदवाराला भाजपचाही पाठिंबा मिळाला. काँग्रेस आणि जेडीएस या दोन्ही पक्षांना प्रत्येकी एक जागा मिळाली. मात्र, त्यानंतर विधानसभा निवडणुकीत काँग्रेसने बाजी मारली.
राज्य सरकारच्या मंत्र्यांना लोकसभेचे तिकीट देण्याच्या प्रश्नावर मुख्यमंत्री सिद्धरामय्या म्हणाले की, पक्षाचे हायकमांड ज्या आमदार किंवा मंत्र्याला तिकीट देतील त्याला निवडणुकीत उतरवले जाईल. अर्थसंकल्पाशी संबंधित प्रश्नावर ते म्हणाले की, गरीब विरोधी लोकांना हा अर्थसंकल्प समजू शकत नाही.
Congress will win 71 percent seats in Karnataka in 2024 Lok Sabha elections, claims Chief Minister Siddaramaiah
महत्वाच्या बातम्या
- राम मंदिरातील प्राणप्रतिष्ठा कार्यक्रमावरून राहुल गांधींची जळजळ; प्रयागराज मध्ये जाऊन ओकली जातीय गरळ!!
- उपेंद्र कुशवाह यांच्या पक्षाला नवीन नाव, निवडणूक आयोगाने दिली मान्यता
- पाच वेळा खासदार राहिलेल्या सलीम शेरवानींनी दिला ‘सपा’च्या सरचिटणीस पदाचा राजीनामा
- उत्तर प्रदेश राज्यसभा निवडणुकीत “महाराष्ट्र प्रयोग”; भाजपचा आठवा उमेदवार विरुद्ध समाजवादी पार्टीचा तिसरा उमेदवार लढत!!