pm narendra modi unga speech : पंतप्रधान नरेंद्र मोदी यांनी शनिवारी संयुक्त राष्ट्र महासभेला संबोधित केले, त्यांच्या अमेरिका दौऱ्याचा हा शेवटचा दिवस होता. भाजपचे अध्यक्ष जेपी नड्डा यांनी पंतप्रधान मोदींच्या या अभिभाषणाला देशाला गौरवान्नित करणारे असल्याचे म्हटले आहे, तर काँग्रेस नेते पी. चिदंबरम यांनी टोमणा मारला आहे. यासोबतच काँग्रेस नेते कपिल सिब्बल यांनी पीएम मोदींच्या वक्तव्याच्या बहाण्याने यूपी आणि आसामच्या मुख्यमंत्र्यांना घेरले आहे. congress mp p chidambaram kapil sibbal comment pm narendra modi unga speech
विशेष प्रतिनिधी
नवी दिल्ली : पंतप्रधान नरेंद्र मोदी यांनी शनिवारी संयुक्त राष्ट्र महासभेला संबोधित केले, त्यांच्या अमेरिका दौऱ्याचा हा शेवटचा दिवस होता. भाजपचे अध्यक्ष जेपी नड्डा यांनी पंतप्रधान मोदींच्या या अभिभाषणाला देशाला गौरवान्नित करणारे असल्याचे म्हटले आहे, तर काँग्रेस नेते पी. चिदंबरम यांनी टोमणा मारला आहे. यासोबतच काँग्रेस नेते कपिल सिब्बल यांनी पीएम मोदींच्या वक्तव्याच्या बहाण्याने यूपी आणि आसामच्या मुख्यमंत्र्यांना घेरले आहे.
काँग्रेस नेते आणि राज्यसभा खासदार पी. चिदंबरम यांनी ट्विट केले की, पंतप्रधान मोदींच्या अभिभाषणादरम्यान काही जागाच भरलेल्या होत्या. पंतप्रधान मोदींच्या अभिभाषणानंतर कोणीही टाळ्या वाजवल्या नाहीत, असेही ते म्हणाले. चिदंबरम यांनी ट्वीट केले की, ‘जेव्हा पीएम मोदींनी संयुक्त राष्ट्रांच्या महासभेला संबोधित केले, तेव्हा मी खूप निराश झालो की, फक्त काही जागा भरल्या गेल्या. कोणीही टाळ्या वाजवत नसल्याने ते आणखी निराशाजनक होते. त्यांनी लिहिले की, संयुक्त राष्ट्रातील भारताचे स्थायी मिशन विस्कळीत झाले.
सिब्बल यांचेही ट्विट
काँग्रेस नेते कपिल सिब्बल यांनी एका ट्विटमध्ये लिहिले आहे की, “UNGA मध्ये बोलताना पंतप्रधान मोदींनी भारताला सर्व लोकशाहीची जननी म्हटले आहे, मला आशा आहे की, योगीजी (यूपीचे मुख्यमंत्री योगी आदित्यनाथ) आणि हिमंत बिस्वा शर्मा (आसामचे मुख्यमंत्री) ऐकत असतील.”
संयुक्त राष्ट्राच्या महासभेत पीएम मोदी पाकिस्तान आणि पाक पीएम इम्रान खान यांचे नाव न घेता त्यांच्याबद्दल बरेच काही बोलले. पीएम मोदी म्हणाले की, जो कोणी दहशतवादाचा वापर करत आहे, त्यांनाही हे समजले पाहिजे की हा त्यांच्यासाठी तितकाच मोठा धोका आहे. अफगाणिस्तानमधील परिस्थितीचा उल्लेख करताना पंतप्रधान मोदी म्हणाले की, आपणही सावध राहण्याची गरज आहे की, कोणत्याही देशाने तिथल्या नाजूक परिस्थितीचा वापर आपल्या स्वार्थासाठी साधन म्हणून करू नये.
congress mp p chidambaram kapil sibbal comment pm narendra modi unga speech
महत्त्वाच्या बातम्या
- अमेरिकेच्या ‘ऐतिहासिक’ भेटीनंतर पीएम मोदींचे भारतात आगमन; जाणून घ्या, किती महत्त्वाचा होता हा दौरा!
- भाजप आमदारांनी केली पुणे महानगरपालिकेतील महिला कर्मचाऱ्यास शिवीगाळ! रुपाली चाकणकर म्हणाल्या, त्या आमदारांनी जाहीरपणे माफी मागावी
- या कारणासाठी सोमय्यांना कोल्हापुरात येण्यास बंदी घातली होती! सतेज पाटील यांनी व्यक्त केले मत
- अमेरिकेतून परतल्यावर पंतप्रधान नरेंद्र मोदी यांचे दिल्लीत भव्य स्वागत
- सुप्रियाताई म्हणतात, ईडीची नोटीस ही फॅशन आणि पोस्टकार्ड; तर मग देशमुख आणि मुश्रीफ तिला का घाबरताहेत??