वृत्तसंस्था
श्रीनगर : Jammu and Kashmir रविवारी जम्मू आणि काश्मीरमधील रामबन जिल्ह्यात ढगफुटी आणि भूस्खलनामुळे परिसरात प्रचंड हाहाकार माजला. यामध्ये ३ जणांचा मृत्यू झाला. पोलिसांनी सुमारे १०० लोकांना वाचवले. मुख्यमंत्री ओमर अब्दुल्ला सोमवारी परिस्थितीचा आढावा घेण्यासाठी रामबनला पोहोचले.Jammu and Kashmir
खराब हवामानामुळे हेलिकॉप्टर उड्डाणाची परवानगी न मिळाल्याने उमर रस्त्याने रामबनला आले. अधिकाऱ्यांनी सांगितले की उमर सायंकाळी ५.३० वाजता पावसाच्या दरम्यान रामबनला पोहोचले आणि पूरग्रस्त भागांची पाहणी करण्यासाठी पायी निघाले.
दरम्यान, राष्ट्रीय महामार्ग प्राधिकरणाचे प्रकल्प संचालक पुरुषोत्तम कुमार म्हणाले की, जम्मू-श्रीनगर महामार्गावर (एनएच-४४) १२ हून अधिक ठिकाणी मोठ्या प्रमाणात चिखल साचला आहे. काही ठिकाणी २० फुटांपेक्षा जास्त चिखल साचला आहे. महामार्ग पुन्हा सुरू होण्यासाठी पाच ते सहा दिवस लागण्याची शक्यता आहे.
महामार्गावर वेगवेगळ्या ठिकाणी शेकडो ट्रक आणि वाहने अडकली आहेत. यामध्ये हजारो पर्यटकांचाही समावेश आहे. खराब हवामान आणि अचानक आलेल्या पुराच्या धोक्यामुळे, रामबनमधील सर्व शाळा आणि महाविद्यालये आज बंद ठेवण्यात आली. प्रशासनाने लोकांना प्रवास टाळण्याचे आणि सुरक्षित ठिकाणी राहण्याचे आवाहन केले आहे.
आमदार म्हणाले- अशी दुर्घटना आम्ही कधीही पाहिली नाही
स्थानिक आमदार अर्जुन सिंह राजू म्हणाले – आम्ही अशी दुर्घटना कधीच पाहिली नाही. या दुर्घटनेत मालमत्तेचे जे काही नुकसान झाले ते अपरिहार्य आहे, परंतु जीवितहानी ही अत्यंत दुर्दैवी आहे. तथापि, परिस्थिती आता हळूहळू सामान्य होत आहे आणि प्रशासनाची पहिली प्राथमिकता लोकांना सुरक्षितपणे बाहेर काढणे आणि बंद रस्ते पुन्हा सुरू करणे आहे.
गुजरातहून ५० प्रवाशांना घेऊन जाणारी बस अडकली, सर्वजण सुखरूप
गुजरातहून ५० प्रवाशांना घेऊन जाणारी एक बसही खराब हवामानामुळे तिथे अडकली होती. या बसमध्ये गांधीनगरहून ३० आणि पालनपूरहून २० प्रवासी होते. सर्व प्रवासी श्रीनगरला परतत आहेत. एका गुजराती प्रवाशाने २० एप्रिल रोजी संध्याकाळी ६:३५ वाजता एक व्हिडिओ व्हायरल केला होता आणि गुजरात सरकारला मदतीचे आवाहन केले होते.
यानंतर स्थानिक पोलिस घटनास्थळी पोहोचले. प्रवाशांसाठी जेवणाची आणि पेयांची व्यवस्थाही करण्यात आली होती. संपूर्ण रात्र बसमध्ये घालवल्यानंतर, आज सकाळी सर्व प्रवाशांना रामबन आर्मी कॅम्पमध्ये आणण्यात आले आणि तेथून ते आता श्रीनगरला परतत आहेत. सर्व प्रवासी सुरक्षित आहेत.
Cloudburst in Ramban, Jammu and Kashmir, Srinagar highway covered in 20 feet of mud
महत्वाच्या बातम्या