‘पूजा आणि नमाज आपापल्या ठिकाणी चालू ठेवावे’, ज्ञानवापी मशीद प्रकरणावरील सुनावणीवेळी सरन्यायाधीशांचं विधान!

ज्ञानवापी मशीद प्रकरणावरील सुनावणीवेळी सरन्यायाधीशांचं विधान!

विशेष प्रतिनिधी

नवी दिल्ली : सर्वोच्च न्यायालयाने ज्ञानवापी मशीद संकुलातील व्यास तळघरातील पूजेविरोधात मशीद समितीच्या याचिकेवर सोमवारी (1 एप्रिल) सुनावणी केली. मशिदीच्या बाजूचे वकील हुजैफा अहमदी यांनी सांगितले की, कनिष्ठ न्यायालयाने आदेशाची अंमलबजावणी करण्यासाठी एका आठवड्याचा अवधी दिला होता, परंतु सरकारने त्याची तत्काळ अंमलबजावणी केली. हायकोर्टातूनही आम्हाला दिलासा मिळालेला नाही. सर्वोच्च न्यायालयाने हे तत्काळ थांबवावे. Chief Justices ruling during the hearing on Gyanvapi Masjid case that puja and namaz should continue at place

सरन्यायाधीश डीवाय चंद्रचूड यांनी या प्रकरणी नोटीस बजावली आणि दुसऱ्या तारखेला सुनावणीचे संकेत दिले. मात्र, मशिदीच्या वकिलाने आपले युक्तिवाद मांडत पूजेवर तातडीने बंदी घालण्याची मागणी केली. यावेळी सरन्यायाधीशांनी सांगितले की, तळघराचा प्रवेश दक्षिणेकडून आणि मशिदीचा प्रवेश उत्तरेकडून आहे. दोघांचाही एकमेकांवर परिणाम होत नाही. आत्तापर्यंत दोन्ही पूजा आपापल्या ठिकाणी चालू ठेवाव्यात असे आम्ही निर्देश देतो.

व्यास कुटुंबाचे वकील श्याम दिवाण यांनी औपचारिक नोटीस बजावण्यास विरोध केला. वकिलाने सांगितले की, कनिष्ठ न्यायालयात प्रकरण अद्याप पूर्णपणे निकाली निघालेले नाही. यावेळी सर्वोच्च न्यायालयाच्या हस्तक्षेपाची गरज नाही.

अलाहाबाद उच्च न्यायालयाच्या निर्णयाविरोधात मशीद समितीने सर्वोच्च न्यायालयात धाव घेतली. खरं तर, अंजुमन मशीद व्यवस्था समितीने अलाहाबाद उच्च न्यायालयाच्या निर्णयाला सर्वोच्च न्यायालयात आव्हान दिले आहे, ज्यामध्ये हिंदूंना मशिदीच्या दक्षिणेकडील तळघरात पूजा करण्याची परवानगी देणारा कनिष्ठ न्यायालयाचा आदेश कायम ठेवण्यात आला होता. ही समिती वाराणसी येथील ज्ञानवापी मशिदीचे कामकाज पाहते. कनिष्ठ न्यायालयाने ३१ जानेवारी रोजी दिलेल्या आदेशात हिंदूंना तळघरात पूजा करण्याची परवानगी दिली होती.

Chief Justices ruling during the hearing on Gyanvapi Masjid case that puja and namaz should continue at place

महत्वाच्या बातम्या

• अमेरिकन ब्रिज अपघातावर अमेरिकी मासिकात भारतीयांचे वर्णद्वेषी व्यंगचित्र; जहाजाचे क्रू मेंबर्स लंगोट घातलेले दाखवले
• बारामतीत रंगणार पवार घराण्यातील संघर्ष, सुनेत्रा पवारांना महायुतीची उमेदवारी जाहीर, सुप्रिया सुळेंविरोधात मैदानात
• बारामतीत नणंद भावजयीचा लढा, फक्त नव्हे काका – पुतण्यांची प्रतिष्ठा पणाला; तर अख्ख्या पवार कुटुंबाच्या राजकारणाभोवती आवळलेला तिढा!!
• बायडेन म्हणाले- अरब देश इस्रायलला मान्यता देण्यास तयार; अमेरिकन राष्ट्राध्यक्षांनी युद्धानंतर गाझाच्या स्थितीचा उल्लेख केला