मध्य प्रदेश आणि छत्तीसगडमध्ये आज प्रचाराच्या तोफा थंडावणार!

अखेरच्या दिवशी काँग्रेस-भाजपचे दिग्गज आपली ताकद पणाला लावणार

---

विशेष प्रतिनिधी

नवी दिल्ली : मध्य प्रदेश आणि छत्तीसगड विधानसभा निवडणुकीचा प्रचार आज(बुधवारी) संध्याकाळी थांबणार आहे. आज संध्याकाळी 6 नंतर मिरवणुका आणि जाहीर सभा होणार नसून उमेदवार घरोघरी जाऊन मत मागू शकतीलCampaigning will stop today in Madhya Pradesh and Chhattisgarh

निवडणूक प्रचाराच्या शेवटच्या दिवशी भाजप, काँग्रेससह सर्वच राजकीय पक्षांचे नेते आपली पूर्ण ताकद दाखवण्यासाठी बाहेर पडत आहेत. शेवटच्या दिवशी काँग्रेसमधून राहुल गांधी, प्रियांका गांधी आणि सचिन पायलट हे दिग्गज नेते निवडणूक प्रचारात ताकद वाढवण्यासाठी येत आहेत, तर अमित शहा ते योगी आदित्यनाथ यांच्यासह भाजपचे ज्येष्ठ नेते जाहीर सभेला संबोधित करणार आहेत.

---

• काँग्रेस मध्य प्रदेशात सोन्याचे महाल बांधणार, पण बटाट्यातून सोने काढून का??; पंतप्रधान मोदींचा काँग्रेसला खोचक टोला

---

दुसऱ्या टप्प्यात मध्य प्रदेशातील सर्व 230 आणि छत्तीसगडच्या 70 जागांवर 17 नोव्हेंबर म्हणजेच शुक्रवारी मतदान होणार आहे. मध्य प्रदेशातील 230 जागांवर 2533 उमेदवार आपले नशीब आजमावत आहेत. त्याचवेळी, छत्तीसगडमधील एकूण 90 जागांपैकी पहिल्या टप्प्यात 7 नोव्हेंबरला 20 जागांवर मतदान झाले आणि आता दुसऱ्या टप्प्यात शुक्रवारी 70 जागांवर मतदान होत आहे, ज्यासाठी 958 उमेदवार रिंगणात आहेत. दोन्ही राज्यांमध्ये काँग्रेस आणि भाजपमध्ये निकराची लढत असल्याचे मानले जात आहे.

Campaigning will stop today in Madhya Pradesh and Chhattisgarh

महत्वाच्या बातम्या

• “काँग्रेसने आदिवासींची कधीच पर्वा केली नाही, तर भाजप…” ; मोदींचं विधान!
• मतस्वातंत्र्याच्या नावाखाली दहशतवादाला चिथावणी देऊ नका; कॅनडियन पंतप्रधानांना भारताने सुनावले!!
• गोविंद बागेतली दिवाळी पूर्वार्धात न आलेल्या अजितदादांभोवती फिरली; उत्तरार्धात शरद पवारांच्या जातीच्या चर्चेभोवती फिरली!!
• 33 % महिला आरक्षण ताबडतोब लागू करण्याची मागणी करण्यात काँग्रेस पुढे, पण प्रत्यक्ष उमेदवारी देण्यात मागे!!