सातव्या यादीत केवळ दोन जागांचाच समावेश, जाणून घ्या दुसरी जागा कुठली?
विशेष प्रतिनिधी
नवी दिल्ली : आगामी लोकसभा निवडणुकीसाठी भाजपने सातवी यादी जाहीर केली आहे. या यादीत दोन उमेदवारांची नावे जाहीर करण्यात आली आहेत. यामध्ये महाराष्ट्रातील अमरावती मतदारसंघातून भाजपने नवनीत राणा यांना उमेदवारी दिली आहे. त्या सध्या या जागेवरून खासदार आहेत. त्याचवेळी कर्नाटकातील चित्रदुर्ग मतदारसंघातून भाजपने गोविंद करजोल यांना उमेदवारी दिली आहे. भाजपने ज्या दोन जागांवर उमेदवार जाहीर केले आहेत त्या राखीव जागा आहेत.BJP’s seventh list announced Navneet Rana was nominated from Amravati
2019 मध्ये झालेल्या लोकसभा निवडणुकीत चार अपक्ष विजयी होऊन संसदेत पोहोचले होते. नवनीत राणा या त्यापैकीच एक होत्या. अमरावती मतदारसंघातून अपक्ष उमेदवार म्हणून निवडणूक लढवलेल्या नवनीत राणा यांनी 36,951 मतांनी विजय मिळवला होता.
गोविंद करजोल हे पाच वेळा आमदार झाले आहेत
गोविंद मुक्तप्पा करजोल हे ऑगस्ट 2021 ते मे 2023 पर्यंत कर्नाटक सरकारमध्ये मुख्य आणि मध्यम पाटबंधारे, जलसंपदा मंत्री राहिले आहेत. ते पाच वेळा मुधोळ विधानसभेचे आमदार राहिले आहेत. तसेच करजोल 2018 ते 2019 या काळात कर्नाटक विधानसभेत विरोधी पक्षाचे उपनेते होते. याशिवाय ते भाजपचे कर्नाटक प्रदेश उपाध्यक्ष देखील आहेत.
BJP’s seventh list announced Navneet Rana was nominated from Amravati
महत्वाच्या बातम्या
- पंतप्रधान मोदींनी संदेशखळी पीडितेला केला फोन, भाजपने बशीरहाटमधून दिली उमेदवारी
- कट्टर खालिस्तान विरोधी मुख्यमंत्री शहीद सरदार बेअंत सिंग यांचे नातू खासदार रवनीत सिंग बिट्टू भाजपमध्ये दाखल!!
- पूर्व आणि दक्षिणेतल्या राज्यांमधून खासदार संख्या वाढविण्याची भाजपला खात्री; पवार – ठाकरेंची फक्त महाराष्ट्रात 48 जागांमध्ये खेचाखेची!!
- पाकिस्तानच्या नौदल तळावर दहशतवादी हल्ला; 4 दहशतवादी ठार, एक जवान शहीद; बलुच लिबरेशन आर्मीने घेतली जबाबदारी