वृत्तसंस्था
हैदराबाद : भारतीय जनता पक्षाने (भाजप) तेलंगणातील आगामी विधानसभा निवडणुकीसाठी शुक्रवारी (10 नोव्हेंबर) उमेदवारांची पाचवी यादी जाहीर केली. पाचव्या यादीत 14 उमेदवारांची नावे जाहीर करण्यात आली आहेत.
भारतीय जनता पक्षाने 7 नोव्हेंबर रोजी आपल्या उमेदवारांची चौथी यादी जाहीर केली होती, ज्यात 12 नावे होती, त्याआधी 2 नोव्हेंबर रोजी त्यांनी तेलंगणा विधानसभा निवडणुकीसाठी आपल्या उमेदवारांची तिसरी यादी जाहीर केली होती. यामध्ये 35 उमेदवारांची नावे जाहीर करण्यात आली. यापूर्वी 22 ऑक्टोबर रोजी पहिली यादी जाहीर करण्यात आली होती, ज्यामध्ये 52 उमेदवारांची नावे होती, 27 ऑक्टोबर रोजी भाजपने दुसरी यादी जाहीर केली होती, ज्यामध्ये फक्त एका उमेदवाराचे नाव होते, एपी मिथुन कुमार रेड्डी.
ही नावे पाचव्या यादीत
भाजपच्या पाचव्या यादीनुसार बेल्लमपल्ली (एससी) जागेवरून कोयला इमाजी, पेड्डापल्ली जागेवरून दुग्याला प्रदीप, संगारेड्डी जागेवरून देशपांडे राजेश्वर राव, मेडचल जागेवरून येनुगु सुदर्शन रेड्डी, एन. रामचंद्र राव, सेरिलिंगमपल्ली मतदारसंघातून रवीकुमार यादव, नामपल्ली मतदारसंघातून राहुल चंद्रा, चंद्रयांगुट्टा मतदारसंघातून के. महेंद्र, सिकंदराबाद कॅन्टोन्मेंट (एससी) जागेवरून गणेश नारायण, देवरकडा जागेवरून कोंडा प्रशांत रेड्डी, वानापर्थी जागेवरून अनुग्ना रेड्डी, आलमपूर (एससी) जागेवरून मरम्मा, के. पुल्ला राव यांना तिकीट देण्यात आले असून पेरुमारपल्ली विजय राजू यांना मधीरा (SC) जागेवरून तिकीट देण्यात आले आहे.
आज उमेदवारी अर्ज भरण्याची शेवटची तारीख
तेलंगणामध्ये आगामी विधानसभा निवडणुकीसाठी 30 नोव्हेंबर रोजी मतदान होत आहे. तत्पूर्वी, मतदानासाठी जारी करण्यात आलेल्या अधिसूचनेनुसार, आज (10 नोव्हेंबर) उमेदवारी अर्ज भरण्याचा शेवटचा दिवस आहे. ज्या उमेदवारांना अद्याप उमेदवारी अर्ज दाखल करता आले नाहीत, ते आज संध्याकाळपर्यंत संबंधित निवडणूक कार्यालयात जाऊन उमेदवारी अर्ज दाखल करू शकतात. निवडणूक आयोगाने जारी केलेल्या अधिसूचनेनुसार, आता उमेदवारांनी दाखल केलेल्या उमेदवारी अर्जांची छाननी 13 नोव्हेंबरपर्यंत होणार आहे. त्यानंतर कोणत्याही उमेदवाराला नाव मागे घ्यायचे असल्यास 15 नोव्हेंबरपर्यंत नाव मागे घेता येईल.