लोकसभा निवडणुकीपूर्वी निवडणूक आयोगाचा मोठा निर्णय!

बंगालचे DGP आणि सहा राज्यांचे गृह सचिव हटवले

विशेष प्रतिनिधी

नवी दिल्ली: लोकसभा निवडणुकीपूर्वी बंगालमध्ये निवडणूक आयोगाने मोठी कारवाई केली आहे. बंगालचे डीजीपी राजीव कुमार यांना हटवण्याच्या आणि यूपी-बिहारसह सहा राज्यांचे गृहसचिव बदलण्याच्या सूचना निवडणूक आयोगाने दिल्या आहेत. ज्या सहा राज्यांचे गृहसचिव बदलले आहेत त्यात गुजरात, उत्तर प्रदेश, बिहार, झारखंड, हिमाचल प्रदेश आणि उत्तराखंड यांचा समावेश आहे. Big decision of the Election Commission before the Lok Sabha elections!

यासोबतच बृहन्मुंबई महापालिका आयुक्त (BMC) इक्बाल सिंह चहल यांनाही हटवण्यात आले आहे. याशिवाय अतिरिक्त आयुक्त आणि उपायुक्तांना हटवण्याच्या सूचनाही देण्यात आल्या आहेत. यासोबतच मिझोराम आणि हिमाचल प्रदेशच्या GAD सचिवांनाही पदावरून हटवण्यात आले आहे.

पश्चिम बंगालमध्ये डीजीपी शिवाय इतर अनेक अधिकाऱ्यांनाही हटवण्यात आले आहे. एवढेच नाही तर निवडणूक आयोगाने काही अधिकाऱ्यांना मुख्यमंत्री कार्यालयातून हटवले आहे. 2016 च्या विधानसभा निवडणुका आणि 2019 च्या लोकसभा निवडणुकीदरम्यान निवडणूक आयोगाने पश्चिम बंगालच्या डीजीपींना सक्रिय निवडणूक कर्तव्यावरून हटवले होते.

Big decision of the Election Commission before the Lok Sabha elections!

महत्वाच्या बातम्या

• महादेव सट्टा ॲपप्रकरणी भूपेश बघेलांविरुद्ध FIR; छत्तीसगडच्या माजी मुख्यमंत्र्यांसह 21 आरोपी
• मोदी म्हणाले- काँग्रेस आघाडी वापरते आणि फेकून देते, इंडिया आघाडी त्यासाठीच!
• राहुल + उद्धवचे “हिंदुत्व” मंदिरांमधून बाळासाहेबांच्या स्मारकापर्यंत आले; पण सावरकरांवर बोलायची हिंमत नाही दाखवू शकले!!
• प्रकाश आंबेडकर आले राहुल गांधींच्या व्यासपीठावर; पण खात्री नाही महाराष्ट्रात एकत्र लढण्यावर!!