वृत्तसंस्था
अहमदाबाद : भूपेंद्रभाई पटेल हे एक भारतीय राजकारणी असून भारतीय जनता पक्षाचे सदस्य आणि गुजरातचे नूतन मुख्यमंत्री बनणार आहेत. नगरसेवक ते मुख्यमंत्री, असा त्यांचा राजकीय प्रवास आहे. Bhupendra Patel’s political journey from corporator to Chief Minister of Gujarat; Ghatlodia won by record votes as MLA
विजय रूपाणी यांना गुजरातचे मुख्यमंत्री बनविण्यात त्यांचा सिंहाचा वाटा होता. माजी मुख्यमंत्री आनंदीबेन पटेल यांचे ते निकटवर्तीय मानले जातात. २०१७ च्या गुजरात विधानसभा निवडणुकीत भारतीय राष्ट्रीय काँग्रेसचे शशिकांत पटेल यांच्याविरुद्ध विजय मिळवून ते घाटलोडिया मतदारसंघाचे आमदार झाले.
त्यांनी १,१७,००० मतांच्या विक्रमी फरकाने विजय मिळवला. या निवडणुकीत गुजरातमधील कोणत्याही मतदारसंघात कोणत्याही भाजप उमेदवाराला एवढी मोठी मते मिळाली नव्हती.विशेष म्हणजे, मुख्यमंत्री आनंदीबेन पटेल यांना पदावरून हटविले तेव्हा त्यांनी त्यांना पाठींबा दिला होता. तसेच याच मतदारसंघातून निवडणूक लढण्यासाठी आग्रह धरला होता. भूपेंद्र पटेल यांनी शशिकांत पटेल यांचा विक्रमी मतांनी पराभव केला.
राजकारणात प्रवेश करण्यापूर्वी ते अहमदाबाद शहरी विकास प्राधिकरणाचे अध्यक्षही होते. भूपेंद्र पटेल यांनी सिव्हिल इंजिनिअरिंगचे शिक्षण घेतले आहे.
नरेंद्र मोदी गुजरातचे मुख्यमंत्री असताना पटेल हे १९९९-२००१ दरम्यान अहमदाबाद महापालिकेच्या स्थायी समितीचे अध्यक्ष होते, तर २००८-२०१० दरम्यान ते अहमदाबाद म्युनिसिपल स्कूल बोर्डाचे उपाध्यक्ष होते. २०१० ते २०१५ पर्यंत ते अहमदाबादच्या थालतेज प्रभागातून नगरसेवक होते. गुजरातमध्ये पाटीदार समाज मोठा आहे. या समाजाचे ते नेते आहेत. आगामी विधानसभा निवडणुकीत पक्षाच्या यशात या समाजाची भूमिका महत्वाची असल्याने आणि निष्कलंक व्यक्तिमत्व म्हणून त्यांची निवड मुख्यमंत्रिपदासाठी झाली आहे.
Bhupendra Patel’s political journey from corporator to Chief Minister of Gujarat; Ghatlodia won by record votes as MLA
महत्त्वाच्या बातम्या
- पुण्यात आदर्श घोटाळ्याची पुनरावृत्ती, माजी सैनिकांच्या जमिनीवर उभारला अनधिकृत प्रकल्प
- WATCH : वर्ध्यामध्ये नागाचा थरार, मुलीच्या गळ्याला विळखा दोन तास रंगला थरार, शेवटी तो डसलाच
- WATCH : गोटखिंडी मस्जिद गणपतीची चाळीस वर्षांपासूनची परंपरा सांगली जिल्ह्यात हिंदू मुस्लिम ऐक्याचे प्रतीक
- मोदी – शहांचा माध्यमांना दे धक्का; काँग्रेस उमेदवाराला १ लाख १७ हजार या सर्वोच्च मार्जिनने हरविणारे भूपेंद्र पटेल गुजरातच्या मुख्यमंत्रीपदी