• Download App
    सीमेवर ९ जवान शहीद झाले अन् यांना सामना खेळायचाय, भारत-पाक टी-20 सामन्यावर ओवैसींची केंद्रावर टीका । Asaduddin Owaisi Criticizes Modi Govt Over India Pakistan T 20 Match

    सीमेवर ९ जवान शहीद झाले अन् यांना सामना खेळायचाय, भारत-पाक टी-20 सामन्यावर ओवैसींची केंद्रावर टीका

    एआयएमआयएमचे प्रमुख असदुद्दीन ओवेसी यांनी 24 ऑक्टोबर रोजी होणाऱ्या भारत-पाक सामन्याला विरोध केला आहे. ते म्हणाले की, जम्मू -काश्मीरमध्ये देशातील 9 जवान शहीद झाले असून 24 तारखेला भारत आणि पाकिस्तान यांच्यात टी-20 सामना होणार आहे. ते म्हणाले की, पीएम मोदी तर आधी असे म्हणाले होते की सेना मरत आहे आणि मनमोहनसिंग सरकार बिर्याणी खाऊ घालत आहे? पण आता 9 जवान शहीद झाले आहेत, तरी तुम्ही टी-20 खेळणार आहात. Asaduddin Owaisi Criticizes Modi Govt Over India Pakistan T 20 Match


    विशेष प्रतिनिधी

    नवी दिल्ली : एआयएमआयएमचे प्रमुख असदुद्दीन ओवेसी यांनी 24 ऑक्टोबर रोजी होणाऱ्या भारत-पाक सामन्याला विरोध केला आहे. ते म्हणाले की, जम्मू -काश्मीरमध्ये देशातील 9 जवान शहीद झाले असून 24 तारखेला भारत आणि पाकिस्तान यांच्यात टी-20 सामना होणार आहे. ते म्हणाले की, पीएम मोदी तर आधी असे म्हणाले होते की सेना मरत आहे आणि मनमोहनसिंग सरकार बिर्याणी खाऊ घालत आहे? पण आता 9 जवान शहीद झाले आहेत, तरी तुम्ही टी-20 खेळणार आहात.

    ओवैसी म्हणाले, ‘पाकिस्तान जम्मू -काश्मीरमधील लोकांसोबत टी-20 खेळत आहे. बिहारमधील गरीब कामगारांची हत्या केली जात आहे. लोकांच्या टारगेट किलिंग होत आहेत. मग इंटेलिजन्स ब्युरो आणि अमित शहा काय करत आहेत? काश्मीरमध्ये शस्त्रे येत आहेत आणि तुम्ही सामने खेळणार आहात. पाकिस्तानातून दहशतवादी येथे येत आहेत. तुम्ही एलओसीवर असे युद्धबंदी केली की आता ड्रोनमधून शस्त्रे येतात. कलम 370 हटवताना तुम्ही म्हटले होते की, काश्मीरमधून दहशतवाद संपला आहे. काहीही संपले नाही. काश्मीरमध्ये जे घडत आहे ते मोदी सरकारचे अपयश आहे.

    चिनी घुसखोरीवर पंतप्रधानांवर टीका

    ओवैसी म्हणाले की, पंतप्रधान मोदी दोन गोष्टींवर बोलायला घाबरतात. एक म्हणजे पेट्रोल आणि डिझेलच्या वाढत्या किंमती आणि दुसरे म्हणजे चीन. चीन आमच्या हद्दीत घुसला आहे, पण मोदीजी त्याबद्दल काहीच बोलत नाहीत. मोदीजी चीनला घाबरतात असे दिसते. जेव्हा पुलवामा हल्ला झाला, तेव्हा मोदीजी म्हणाले होते की घरात घुसून मारू, पण आता चीन आमच्या घरात बसला आहे, पण मोदीजी काहीच करत नाहीत.

    Asaduddin Owaisi Criticizes Modi Govt Over India Pakistan T 20 Match

    महत्त्वाच्या बातम्या

    Related posts

    Amit Shah : अमित शाह यांचे शीर छाटून टेबलावर ठेवावे विधान, महुआ मोईत्रा यांच्यावर टीकेची झाेड

    Goa Chief Minister Pramod Sawant slams : सकारात्मक मुद्दे नसल्याने सभेत असभ्य भाषा, गोव्याचे मुख्यमंत्री प्रमोद सावंतांचा घणाघात

    राहुल गांधी एवढे frustrate झालेत, की paid सल्लागारांचा सल्ला देखील विसरलेत, म्हणून मोदींना शिव्या देऊन राहिलेत!!