विशेष प्रतिनिधी
नवी दिल्ली : महाराष्ट्रात लोकसभा आणि विधानसभा निवडणुकीमध्ये पवार कुटुंबीयांमध्ये टोकाचे मतभेद झाल्याचे भासविल्यानंतर अजित पवार यांच्या राष्ट्रवादीने महाराष्ट्रात भाजपच्या सत्तेची वळचण टिकवून धरली. त्यानंतर आज शरद पवारांच्या 85 व्या वाढदिवसाचे निमित्त साधून अजित पवार हे शरद पवारांच्या भेटीला त्यांच्या “6 जनपथ” निवासस्थानी गेले. पवार कुटुंब पुन्हा एकत्र आल्याचा “राजकीय संदेश” अजित पवार आणि शरद पवारांनी या भेटीतून दिला.
2024 च्या लोकसभा निवडणुकीत आणि विधानसभा निवडणुकीत पवार काका – पुतण्यांची राजकीय लढाई गाजली. या लढाईत दोघांना 50 / 50 यश मिळाले. लोकसभेत शरद पवारांच्या राष्ट्रवादी काँग्रेसने अजित पवारांच्या राष्ट्रवादीवर मात केली, पण विधानसभा निवडणुकीत शरद अजित पवारांच्या राष्ट्रवादीने शरद पवारांच्या राष्ट्रवादीवर मात केली. त्यामुळे अजित पवारांना भाजपच्या सत्तेची वळचण टिकवून धरता आली.
पण त्यादरम्यानच्या काळात अजित पवारांनी शरद पवारांच्या कुटुंबीयांबरोबर विशिष्ट अंतर राखूनच व्यवहार केला होता. ते पवार कुटुंबीयांच्या दिवाळी पाडव्याला गोविंद बागेत गेले नव्हते. त्याचबरोबर पवार कुटुंबीयांच्या भाऊबीजेत देखील ते सामील झाले नव्हते. त्यातून पवार कुटुंबीयांमध्ये खरंच मतभेद झाल्याचा आभास अजित पवार आणि शरद पवार यांना निर्माण करता आला होता. त्याचा लाभ सत्तेच्या वळचणीला बसलेल्या अजित पवारांना झाला. अजित पवारांना भाजपने पुन्हा उपमुख्यमंत्री केले.
विधानसभा निवडणुकीतल्या प्रचारादरम्यान शरद पवारांच्या राष्ट्रवादीचे नेते रोहित पवारांनी शरद पवारांना 85 व्या वाढदिवसानिमित्त आपण राष्ट्रवादी काँग्रेसचे 85 आमदार निवडून आणून भेट दिली पाहिजे, असा मोठा प्रचार केला होता. प्रत्यक्षात विधानसभा निवडणुकीत शरद पवारांना डबल डिजिट जागा मिळाल्या, पण त्या 85 नव्हे, तर 10 च मिळाल्या.
लोकसभा निवडणुकीच्या प्रचारादरम्यान शरद पवार हे सुनेत्रा पवारांना मूळच्या पवार नाहीत असे म्हणाले होते. त्याचबरोबर शरद पवारांनी अजित पवारांचे चिरंजीव पार्थ पवार यांची संभावना कवडीची ही किंमत नसलेला नेता अशी केली होती.
पण या दरम्यान देखील काही विशिष्ट माध्यमांमध्ये पवार कुटुंबीय आतून एकच आहेत, ते फक्त निवडणुकीच्या काळात फायदा उपटण्यासाठी मतभेद झाल्याचे दाखवत आहेत, असे चर्चिले जात होते. तेच खरे असल्याचे निवडणुकीनंतर शरद पवारांच्या 85 व्या वाढदिवसाच्या दिवशी सिद्ध झाले. पवार कुटुंबीय सत्तेसाठी एकत्रच असतात, ते केवळ मतभेद झाल्याचे भासवतात हे उघड्यावर आले.
अजित पवारांबरोबरच प्रफुल्ल पटेल, छगन भुजबळ, सुनेत्रा पवार, पार्थ पवार हे सगळे नेते “6 जनपथ” या निवासस्थानी त्यांना वाढदिवसाच्या शुभेच्छा द्यायला पोहोचले होते. खासदार सुप्रिया सुळे यांनी या सगळ्यांचे स्वागत केले.
Ajit Pawar arrive at the residence of NCP-SCP chief Sharad Pawar,
महत्वाच्या बातम्या
- Devendra Fadnavis : पुणे पुस्तक महोत्सवाचे मुख्यमंत्री देवेंद्र फडणवीस यांच्या हस्ते शनिवारी उद्घाटन
- Bangladesh : बांगलादेशातल्या हिंदूंवरच्या अत्याचाराबाबत मानवाधिकारवाले मूग गिळून गप्प का??
- vishwakarma scheme : केंद्राच्या विश्वकर्मा योजनेपासून लाखो तमिळ युवकांना वंचित ठेवण्याचे तामिळनाडूच्या द्रमुक सरकारचे कारस्थान!
- Himachal Pradesh : हिमाचल प्रदेशातील कुल्ली येथे भीषण अपघात, प्रवाशांनी भरलेली बस दरीत कोसळली
