• Download App
    त्रिपुरामध्ये 82.78% मतदान : काँग्रेस-भाजपने ट्विटरवर मतदानाचे आवाहन केले, निवडणूक आयोगाने पाठवली नोटीस|82.78% polling in Tripura Congress-BJP appeals for voting on Twitter, Election Commission sends notice

    त्रिपुरामध्ये 82.78% मतदान : काँग्रेस-भाजपने ट्विटरवर मतदानाचे आवाहन केले, निवडणूक आयोगाने पाठवली नोटीस

    वृत्तसंस्था

    नवी दिल्ली : त्रिपुरामध्ये विधानसभा निवडणुकीसाठी गुरुवारी मतदान झाले. सर्व 60 जागांवर एकाच टप्प्यात मतदान झाले. सायंकाळी 5 वाजेपर्यंत 82.78 टक्के मतदान झाले होते. निवडणुकीचा निकाल 2 मार्चला लागणार आहे. यापूर्वी 2018 मध्ये त्रिपुरामध्ये 90% मतदान झाले होते आणि भाजपने सरकार स्थापन केले होते.82.78% polling in Tripura Congress-BJP appeals for voting on Twitter, Election Commission sends notice

    यावेळी राज्यात एकूण 3,337 मतदान केंद्रे उभारण्यात आली होती. राज्यातील 28.13 लाख जनतेने या निवडणुकीत 259 उमेदवारांचे भवितव्य ठरवले. ही निवडणूक 2023 ची पहिली निवडणूक आहे.



    दुसरीकडे, भाजप-काँग्रेसला ट्विटरवर मतदानाचे आवाहन करणे महागात पडले आहे. निवडणूक आयोगाने दोन्ही पक्षांना आचारसंहितेचा भंग केल्याप्रकरणी नोटीस पाठवली आहे. याप्रकरणी भाजपचे सरचिटणीस दिलीप सैकिया यांना नोटीसही पाठवण्यात आली आहे.

    भाजपचे 55 उमेदवार, महिलांची संख्याही सर्वाधिक

    त्रिपुरा निवडणुकीत एकूण 20 महिला आमदारांनी निवडणूक लढली आहे. दुसरीकडे, भारतीय जनता पक्षाने त्रिपुरामध्ये 55 जागांवर निवडणूक लढवली, तर त्यांचा मित्रपक्ष आयपीएफटीने 6 जागांवर निवडणूक लढवली. भाजपने सर्वाधिक 12 महिलांना उमेदवारी दिली आहे. दुसरीकडे, ममता बॅनर्जी यांचा पक्ष टीएमसीदेखील 47 जागांवर रिंगणात आहे. तर काँग्रेसने एकूण 13 उमेदवार उभे केले आहेत.

    यावेळी नवा पक्ष टिपरा मोथाही रिंगणात

    राज्यातील सत्ताधारी भाजप आणि सीपीआयएम-काँग्रेस आघाडीशिवाय या वेळी एक नवा पक्षही रिंगणात उतरला. या नवीन पक्षाचे नाव टिपरा मोथा आहे, ज्याचे प्रमुख माजी राजवंशी प्रद्योत माणिक्य देबबर्मा आहेत. राष्ट्रीय पक्षांप्रमाणे टिपरा मोथाला स्थानिक असल्याचा फायदा मिळू शकतो.

    टिपरा मोथा यांनी ‘ग्रेटर टिपरलँड’ हा आपला निवडणूक अजेंडा बनवला आहे. पक्षाने 42 जागांवर उमेदवार उभे केले आहेत. त्यापैकी 20 आदिवासी बहुल भाग आहेत. विशेष म्हणजे ग्रेटर टिपरलँडच्या माध्यमातून त्रिपुरातील स्थानिक आदिवासींसाठी वेगळे राज्य निर्माण करण्याची मागणी होत आहे.

    82.78% polling in Tripura Congress-BJP appeals for voting on Twitter, Election Commission sends notice

    महत्वाच्या बातम्या 

    Related posts

    RSS Chief Mohan Bhagwat : सरसंघचालक म्हणाले- भाजप-RSS मध्ये कोणताही वाद नाही; आम्ही सरकारसाठी निर्णय घेत नाही, फक्त सल्ला देतो

    PM SVANidhi : PM स्वनिधी योजनेची मुदत 31 मार्च 2030 पर्यंत वाढवली; कर्जाची रक्कमही ₹15,000 पर्यंत वाढली

    Supreme Court : केंद्राने म्हटले- राज्ये सुप्रीम कोर्टात रिट याचिका दाखल करू शकत नाहीत; राष्ट्रपती-राज्यपाल यांच्या निर्णयांसाठी न्यायालये जबाबदार नाही