वृत्तसंस्था
इस्लामाबाद : Pakistan पाकिस्तानच्या बलुचिस्तान प्रांतात शुक्रवारी झालेल्या स्फोटात 7 जणांचा मृत्यू झाला आहे. मृतांमध्ये 5 मुले आणि एका पोलिसाचा समावेश आहे. याशिवाय 23 जण जखमी झाले आहेत. स्फोट घडवून आणण्यासाठी मोटारसायकलवर रिमोट कंट्रोल्ड आयईडी बॉम्ब पेरण्यात आला होता.Pakistan
मस्तुंग जिल्ह्यातील सिव्हिल हॉस्पिटल चौकातील कन्या माध्यमिक विद्यालयाजवळ हा स्फोट झाला. स्थानिक पोलिस अधीक्षक रहमत उल्लाह यांनी सांगितले की, या हल्ल्याचे लक्ष्य पोलिओ लसीकरण पथकाला घेण्यासाठी जात असलेली पोलिस व्हॅन होती.
आणखी एक पोलिस अधिकारी अब्दुल फताह यांनी एएफपी वृत्तसंस्थेला सांगितले की, स्फोटात एक पोलिस कर्मचारी आणि एका दुकानदाराचाही मृत्यू झाला. पाकिस्तानचे पंतप्रधान शाहबाज शरीफ यांनी या हल्ल्याचा निषेध केला आहे.
मुख्यमंत्री म्हणाले- नागरिकांच्या हत्येचा बदला घेऊ
बलुचिस्तानचे मुख्यमंत्री सर्फराज बुगाटी यांनी या स्फोटाचा निषेध केला आणि हा हल्ला अमानवीय असल्याचे म्हटले आहे. “आम्ही निष्पाप मुले आणि नागरिकांच्या हत्येचा बदला घेऊ” असे मुख्यमंत्री म्हणाले. याशिवाय त्यांनी नागरिकांना दहशतवाद्यांपासून सतर्क राहण्याचे आवाहन केले.
स्फोटानंतर क्वेटाच्या सर्व रुग्णालयांमध्ये आणीबाणी लागू करण्यात आली आहे. त्यात म्हटले आहे की, सर्व डॉक्टर्स, फार्मासिस्ट, स्टाफ नर्स आणि इतर वैद्यकीय कर्मचाऱ्यांना तात्काळ बोलावण्यात आले आहे. हल्ल्याची जबाबदारी कोणत्याही संघटनेने घेतलेली नाही. मात्र, या प्रांतात बलुच आणि तालिबानी दहशतवादी सुरक्षा दलांना लक्ष्य करत आहेत.
तीन दिवसांपूर्वी पोलिओ टीमवरही हल्ला झाला होता
तसेच मंगळवारी पोलिओ लसीकरण मोहिमेशी संबंधित आरोग्य कार्यालयावर झालेल्या हल्ल्यात एका पोलिसाचा मृत्यू झाला होता. पाकिस्तानमध्ये सोमवारपासून तिसरी राष्ट्रीय पोलिओ मोहीम सुरू होत असताना हे हल्ले होत आहेत.
या मोहिमेअंतर्गत 71 जिल्ह्यांतील पाच वर्षांखालील 4.5 कोटी बालकांना पोलिओ प्रतिबंधक लस दिली जाणार आहे. बलुचिस्तान आणि सिंध प्रांतात पोलिओचे वाढते प्रमाण पाहता ही मोहीम सुरू करण्यात आली आहे.
2023 मध्ये पाकिस्तानमध्ये पोलिओच्या प्रकरणांमध्ये 20 वरून 2022 मध्ये 6 पर्यंत घट झाली. पाकिस्तान आणि अफगाणिस्तान हे जगातील दोन देश आहेत जिथे पोलिओचा प्रादुर्भाव अजूनही सुरू आहे.
7 killed, 23 injured in blast in Pakistan; The dead included 5 children and a policeman
महत्वाच्या बातम्या
- राजकारणापेक्षाही महिला सन्मान अधिक महत्त्वाचा, अरविंद सावंतांवर कठोर कारवाई करा; राष्ट्रीय महिला आयोगाच्या अध्यक्षा विजया रहाटकरांच्या मुंबई पोलिसांना सक्त सूचना!!
- Andhra Pradesh : आंध्र प्रदेशात फटाक्याच्या स्फोटात 1 ठार, 6 जखमी; स्कूटरवरून फटाक्यांचे कार्टून पडताच IED बॉम्बसारखा स्फोट
- Ghatkopar Parag Shah : भाजपचे घाटकोपरचे उमेदवार पराग शहा राज्यात सर्वात श्रीमंत; 550 कोटींवरून 3385 कोटींवर पोहोचले
- Nepal : नेपाळचे नोटा छापण्याचे कंत्राट चिनी कंपनीला; 100 रुपयांच्या 30 कोटी प्रती छापणार