विशेष प्रतिनिधी
पुणे: शिवसेना नेते खासदार संजय राऊत यांनी कोथळा बाहेर काढू असे म्हटले आहे. ही एक धमकी असून पोलिसांनी त्यांच्याविरोधात गुन्हा दाखल करून अटक करावी अशी मागणी भाजपा शहराध्यक्ष जगदीश मुळीक यांनी केली आहे. संजय राऊत यांनी माफी मागावी अन्यथा त्यांना पुण्यात फिरू देणार नाही, असा इशाराही मुळीक यांनी दिला आहे.Sanjay Raut will not be allowed to roam in Pune; BJP’s warning, lodged a complaint at the police station
भाजपाच्या वतीने डेक्कन पोलीस ठाण्यात तक्रार देण्यात आली आहे. संजय राऊत पुणे दौऱ्यावर असताना भाजपा प्रदेशाध्यक्ष चंद्रकांत पाटील यांच्यावर त्यांनी टीका केली होती. आमच्या पाठीत खंजीर खुपसला या चंद्रकांत पाटील यांच्या आरोपाला उत्तर देत खासदार राऊत यांनी आम्ही खंजीर खुपसत नाही तर समोरून कोथळा बाहेर काढतो असे म्हटले होतं.
त्याचा निषेध म्हणून भाजपाच्या वतीने डेक्कन पोलीस ठाण्यात तक्रार दाखल करण्यात आली आहे.केंद्रीय मंत्री नारायण राणे यांनी केलेल्या वक्तव्यानंतर अटक झाली होती. त्यामुळे राऊत यांनादेखील अटक करावी. जर गुन्हा दाखल केला नाही तर राज्यभरात आंदोलन करू असा इशाराही मुळीक यांनी दिला.
Sanjay Raut will not be allowed to roam in Pune; BJP’s warning, lodged a complaint at the police station
महत्त्वाच्या बातम्या
- पेंग्विनच्या मुद्द्यावरून आदित्य ठाकरेंना मित्रपक्ष काँग्रेसनेच घेरले, 15 कोटींच्या टेंडरवरून तीव्र आक्षेप
- तालिबानचे सहा ‘मित्र’ देशांना निमंत्रण, अमेरिकेचे सर्व ‘शत्रू’ सरकार स्थापनेच्या समारंभात एकत्र येणार
- NEET UG परीक्षा रविवारी होणार, सर्वोच्च न्यायालयाने स्थगिती मागणारी याचिका फेटाळली
- बेळगाववर भगवा फडकला, राऊत खरे बोलले… पण शिवसेना हिंदुत्वापासून ढळलीय त्याचे काय…??; आशिश शेलारांचा बोचरा सवाल