विशेष प्रतिनिधी
मुंबई : राज्याचे परिवहन मंत्री अनिल परब यांनी सीआरझेडमध्ये बेकायदेशीर रिसॉर्ट बांधले आहे. हा रिसॉर्ट तोडण्यासाठी महाराष्ट्र सरकारला ५-७ जानेवारीला आदेश येतील, तोडकामाचे आदेश आल्यानंतर जानेवारीच्या तिसºया आठवड्यात आम्ही त्यांची आमदारकी रद्द करण्यासाठी आणि मंत्रीपद काढून घेण्यासाठी राज्यपाल आणि निवडणूक आयोगाकडे जाणार आहोत, असा इशारा भाजपाचे नेते किरीट सोमय्या यांनी दिला आहे.Order to demolish Anil Parab’s illegal resorts soon, will demand removal of ministerial post from Election Commission, demands Kirit Somaiya
सोमय्या म्हणाले, उद्धव ठाकरे यांनी अनिल परब यांना वाचवण्यासाठी खूप खोटेनाटे प्रयत्न केले. शेवटी पर्यावरण मंत्रालयाने अनिल परब यांचा रिसॉर्ट बेकायदेशीर असल्याची नोटीस पाठवली आहे. १७ डिसेंबरच्या या नोटीसला ३ जानेवारीपर्यंत उत्तर द्यायचं आहे.
मला विश्वास आहे की ५-७ जानेवारीला महाराष्ट्र सरकारकडे अनिल परब यांचा रिसॉर्ट तोडण्याचे आदेश येतील. फक्त अनिल परब यांचा रिसॉर्ट तुटेल असं नाही. त्यापुढे जाऊन आम्ही आणखी विभागांमध्ये तक्रारी केल्या आहेत. हे पैसे कुठून आले? स्वत:च्या नावावर मंत्री म्हणून थ्री फेज कनेक्शन घेतलं.
बेकायदेशीर बांधकाम केले. मंत्री, आमदार सीआरझेडमध्ये बेकायदेशीर बांधकाम करतो. त्यामुळे त्यांचं सदस्यत्व रद्द करण्यात यावं अशीही आमची पुढील याचिका असेल, असा इशारा सोमय्यांनी अनिल परब यांना दिला.
तोडकामाचे आदेश आले की महाराष्ट्र सरकार किती लांबवतं हे पाहू. मात्र, तोडकामाचे आदेश आल्यानंतर जानेवारीच्या तिसऱ्या आठवड्यात आम्ही त्यांची आमदारकी रद्द करण्यासाठी आणि मंत्रीपद काढून घेण्यासाठी राज्यपाल आणि निवडणूक आयोगाकडे जाणार आहोत.
उद्धव ठाकरे यांचे १८ नेते आणि मंत्री यांची चौकशी आणि कारवाई सुरू आहे. एकूण २८ घोटाळे बाहेर आले आहेत. दर आठवड्यात एक-एक घोटाळा बाहेर येणार याची मी खात्री देतो. पुढील ४ घोटाळे एका महिन्यात उघड करणार आहे,असेही सोमय्या यांनी सांगितले.
Order to demolish Anil Parab’s illegal resorts soon, will demand removal of ministerial post from Election Commission, demands Kirit Somaiya
महत्त्वाच्या बातम्या
- पाकिस्ताने चीनला दिली कोरोनाची भेट! एक विमान आलं आणि संपूर्ण शहर लॉकडाऊनमध्ये गेलं
- पंतप्रधान मोदींची लसीकरणाची मोठी घोषणा; १५ ते १८ वयाच्या मुलांना लस तसेच आरोग्य कर्मचाऱ्यांना बुस्टर डोसही
- Big News : सांता क्लॉस नरेंद्र मोदी ! ख्रिसमसला देशासाठी खास गिफ्ट…
- BREAKING NEWS : पंतप्रधान नरेंद्र मोदींचं अचानक देशाला संबोधन;ओमिक्रॉनच्या पार्श्वभूमीवर मोठ्या घोषणा